7/2/17

7/2/17   TUE   COOL

雖然到咗星期二, 但好似都未回得哂魂, 好在都冇咩嘢趕, 係下個月頭製藥會D嘢啦, 不過都做咗咁多年, 應該都趕得切GE! 朝早都係起身整飯叫笨元起身啦, 今日凍咗好多, 幾經辛苦先叫到子元著校褸, 仲爺喺我地臨出門口先走出廳, 唯有叫老公搞掂佢! 今日準返到學校啦, 可以同婷婷一齊! 返到公司就食包做早餐啦, 然後都係做吓自己嘢, skype吹吓水咁啦, 午飯後都係睇電視! 下午都係hea過啦, 又幫個同事找package去旅行嗰D, 時間都算過得快! 放工去接笨元啦, 佢真係有做閱讀理解, 不過返到屋企對功課時, 佢份英作就一pat屎咁, 諗住叫佢重作番架啦, 但老公就打嚟話佢到咗可以落樓, 咪唯有返嚟先做囉! 出去食主要係因為老公琴晚漏咗對鞋喺非洲到要入屯門攞, 跟住就入去食囉, 都係去咗食牛雜嗰間食, 但之後又要去買B仔, 所以車程來來回回咁, 攞埋對鞋都9點, 送埋嫲嫲返去再回家已10點, 快手K.O.咗仲爺, 還要教子元做番英作, 都唔算嘔血GE! 近來留意到佢D英文字係靚咗好多喎, 唔知同佢食咗藥有冇關! 沖埋涼就食B仔啦, 咁食法我幾時先keep到呢, 唉……

6/2/17

6/2/17   MON   WARM

悠長假期真係結束啦, 今日大家都正式返工返學, 我又要6:45起身整午餐盒比笨元, 有點趕地出門口啦, 跟住到仲爺, 返到上去佢都未起身, 要叫佢兩個起身都有難度, 結果遲咗出門口要排隊啦! 食埋早餐返工啦, 今朝都要開會, 咁過吓相寫吓日記咁已經一朝! 午飯後去入埋張票就打吓機啦, 下午都係hea吓skype同人吹吓水, 放工閃人去揍子元放話劇, 一路行返去買餸等等, 返得屋企已經6點幾, 收拾好才開始煮飯,發現肉仲未解凍得夠, 咁唯有煎蛋, 餸少D就啱, 爭吓就好食! 8點幾洗好碗再及塵抺地, 叫子元同仲爺沖涼時就收拾好地方, 沖好涼就同仲仲溫吓數字, 盡吓人事架咋! 等佢瞓咗就到睇子元功課, 仲有時間同佢溫一溫今日學咗D嘢, 因為佢放學練話劇冇得溫書! 10點到我先開始做自己嘢沖涼摺衫等, 老公食完飯已經去咗踢波, 我就摺衫都摺到12點, 所以之後休息吓打吓機咁都1點先瞓!

5/2/17

5/2/17   SUN   WARM

今日冇咩特別活動, 係時候回吓魂! 而家星期日朝唔洗趕畫班可以hea吓其實都係好事, 差不多11點先出門口去食早餐, 食完就送子元去打鼓, 我地就去買吓日用品, 接番子元後老公先車我同仲仲回家, 然後才送子元去踢波, 咁我同仲爺喺屋企都係無所事事啦, 佢係咁玩玩具, 我就梗係要佢學識執啦, 今朝已經用衣架威嚇佢先執, 下午呢轉好少少啦, 總之以後都要逼佢自己執, 我唔信迫唔嚟! 咁佢有佢玩玩具, 我有我執嘢, 清吓D櫃筒咁! 老公佢地3點幾返到, 各有各做吓嘢咁, 4點幾真係好餓, 去食個唔知午餐定tea, 然後就去咗傾裝修, 老公話去健介紹嗰間, 因為經過佢過濾都有番咁上吓保障! 咁一傾基本上就係落實, 仲比埋訂8號嚟訂尺! 走嗰時都差不多7點, 老公又趕住8點去踢波, 所以送咗我地返去就閃, 我地買咗粥諗住返去快手食, 但Barry兩公婆又上嚟拜年嘛, 所以等佢地走咗, 8點幾先食嘢, 快手沖埋涼就趕佢地去瞓, 明天真係回復正常啦! 咁老公11點多返到嚟, 買咗外賣食, 順手可以明天帶飯, 不過唔知係咪油膩得滯個肚唔多舒服!

4/2/17

4/2/17   SAT   WARM

今日名義上終於係要開工啦, 所以朝早都要快快手起身出門口, 仲爺係鬧鐘響又一齊起身啦, 叫老公車咗我返工先送笨元去畫班, 今日子元的活動好豐富呀, 畫班後約了Lincoln打籃球, 然後踢波亦開鑼, 跟住仲要返學校打乒乓波, 最後係小團子團拜, 所以佢一日係full哂! 我呢…返到公司開吓機過吓相, 跟住就係喺office影吓相, 然後就落去鋪頭拜神, 跟住去富豪食午飯, 食到1點幾, 老公可以嚟接咗我先, 然後去球場接番子元去踢波, 跟住就返屋企先啦, 捉咗仲爺去瞓覺, 老公瞓埋一份, 3點多叫醒老公去接子元, 仲爺仍未瞓, 我咪嚴刑局佢去瞓囉, 跟住就執吓屋hea吓啦, 要裝修就要慢慢執架啦, 掉咁D垃圾都係好事! 子元返咗嚟又叫佢一齊執, 到5點幾等仲仲瞓醒就去健屋企, 先去會所會合D細路玩吓, 但子元比非洲對囝囡激到, 咁見時間都差不多不如返上樓啦, 等齊人就開飯, 先服侍完兩位少爺碗飯我地先食, 不過呢間外賣堅係唔掂, D餸勁少囉, 算啦…求奇食D今晚返去食杯麵啦! 期間要睇住仲爺其實都攰架, 同埋一屋都係細路真係好嘈, 非洲嗰兩件其實都唔弱, 所以玩到8點幾影埋大合照, 都差不多要走啦, 返去同佢地沖埋涼, 仲爺當然去瞓啦, 子元就比佢睇埋電視先囉, 星期一都開學又要打回原形架啦!

3/2/17

3/2/17   FRI   COOL
今日最後一日假期啦, 朝早起身後阿媽過嚟一齊入阿婆到, 因為開始頭痛所以買咗杯starbucks飲, 可能空肚飲咖啡, 所以腸胃唔係好舒服, 跟住喺阿婆到只係食灣仔碼頭水餃, 同埋蘿蔔糕, 但唔係咁啱胃口, 所以都冇食好多, 只係想快D走, 個人真係好唔舒服, 落去遊樂場玩陣吹吓風仲好D, 幾經辛苦撘車返到去, 返到去去吓廁所終於好D, 都係自己屋企好! 嫲嫲3點多已經過到嚟, 子元又過咗Letty屋企玩, 仲仲又去咗瞓覺, 我試好今晚去食飯套衫就可以hea! 5點幾出門口去尖咀飲大老闆娘生日飯, 又派利是又收吓利是咁啦, 吹吓水咁又食完餐飯, 10點幾閃人回家, 都已經好攰了!

2/2/17

2/2/17   THU   WARM


今日老公要返工啦, 所以我要一揍二! 不過又冇我想像中咁辛苦, 可能我起身已經9點幾, 佢地基本上就一早起哂身架啦, 只係我唔想郁啫! 咁起身梳洗後, 就同佢地兩個出去食早餐, 推車仔出去唔洗追仲仲舒服D, 食完就去買餸, 然後去遊樂場玩番半個鐘先返屋企, 比子元自由時間, 因為我要捉仲爺做功課, 佢做到臨尾係咁喺到打喊路, 真係頂唔舒佢嗰個樣, 點都要迫佢做埋先呀, 做得嚟都點幾, 放佢地玩陣我就煮午餐, 都係簡單地食烏冬咋, 食完就趕仲爺去瞓, 我話瞓醒先有得踩滑板車, 所以佢都好合作去瞓, 但佢瞓醒已經天黑, 嫲嫲又話出嚟一齊出街食, 但佢落樓嗰吓都要攞埋個滑板車! 等仲爺瞓咗我就同子元對功課, 然後就自由時間啦! 6點幾7點老公嚟接我地跟住就去咗食牛魔, 返到嚟找letty, 佢又差不多返到樓下咪約埋玩陣吹吓水才回家, 快手整好嘢捉佢地瞓啦!

1/2/17

1/2/17   WED   WARM


老公今日last一日新年假, 所以都係要搵活動, 本來諗住去唱K, 食完早餐已經放低咗仲仲喺嫲嫲到, 點知去到先知唱K要book架, 所以都係冇得唱, 咁就去睇戲啦, 又本來諗住陪子元睇啱佢睇GE, 點知原來明天先有得做, 唯有陪我地睇生化危機, 睇子元個驚樣仲好笑, 咁又真係幾驚GE! 跟住喺青衣城做埋其他嘢, 睇吓煤氣公司D PLAN咁, 就買D嘢食返去食, 然後再同埋嫲嫲出街食飯, 本來想行吓aeon先, 點知仲仲又疴屎, 又要返上車同佢換片咁就走啦, 送咗嫲嫲返屋企就回家啦, K.O.咗仲爺, 叫子元執過佢個D雜物, 以後真係唔可以再去嗰D玩夾公仔了, 一來要慳錢, 二來唔可以再來咁多雜物!