6/2/17

6/2/17   MON   WARM

悠長假期真係結束啦, 今日大家都正式返工返學, 我又要6:45起身整午餐盒比笨元, 有點趕地出門口啦, 跟住到仲爺, 返到上去佢都未起身, 要叫佢兩個起身都有難度, 結果遲咗出門口要排隊啦! 食埋早餐返工啦, 今朝都要開會, 咁過吓相寫吓日記咁已經一朝! 午飯後去入埋張票就打吓機啦, 下午都係hea吓skype同人吹吓水, 放工閃人去揍子元放話劇, 一路行返去買餸等等, 返得屋企已經6點幾, 收拾好才開始煮飯,發現肉仲未解凍得夠, 咁唯有煎蛋, 餸少D就啱, 爭吓就好食! 8點幾洗好碗再及塵抺地, 叫子元同仲爺沖涼時就收拾好地方, 沖好涼就同仲仲溫吓數字, 盡吓人事架咋! 等佢瞓咗就到睇子元功課, 仲有時間同佢溫一溫今日學咗D嘢, 因為佢放學練話劇冇得溫書! 10點到我先開始做自己嘢沖涼摺衫等, 老公食完飯已經去咗踢波, 我就摺衫都摺到12點, 所以之後休息吓打吓機咁都1點先瞓!