23/2/17

23/2/17   THU   COLD

今日都係如常咁返工返學啦, 仲爺今日去濕地公園參觀呀, 唔知佢會參咗D咩出嚟呢! 今日返到公司都好忙碌咁做商會D嘢, 要排位等等係最煩, 不過就好充實囉, 勁快又放飯, hea吓睇吓電視咁, 下午又做吓勞動, 對面公司摺…有好多box file唔要比咗我地, 接近100個喎, 我地過濾吓邊D唔太靚就唔要, 都有五十幾個可以要番, 都要找地方收拾好! 跟住都係繼續做嘢, 食埋個tea就放工去接笨元, 今晚老公同同事出去食, 我就簡單地只係煮長通粉咋, 兩個都好比面食哂, 連仲爺都食哂真係難得! 跟住咪比佢地玩到8點半先沖涼囉, 然後又喺房玩一輪, 9點幾要仲爺瞓啦, 再同笨元睇埋功課, 10點多佢都瞓啦, 我都要沖涼! 老公11點幾先返到嚟, 佢先話我知佢同事頂咗飛上海嗰轉, 咁佢明天就不用飛, 睇嚟佢真係好想去兩個仔的家長日呢!