17/2/17

17/2/17   FRI   WARM

今日仲仲竟然鬧鐘響都未醒, 可能琴晚溫書真係太攰! 到我返上樓知佢起咗身, 佢仲問我哥哥去咗邊! 揍咗佢返學就返工啦, 今日都有嘢做吓, 又要開吓會咁, 時間好快過! 午飯後又係打吓機啦, 下午時間唔知點解過得慢好多, 已經又吹水又做吓私事架啦, 都過得咁慢! 終於放得工啦, 老公今晚約咗人食飯, 子元又游水, 咁都唔洗煮飯, 諗住煲啖粥算! 返去先摺好D衫才出小童接笨元去泳池, 請迪媽放游水時幫我揍一揍子元過咗馬路自己回家, 咁我就唔洗專登落樓接佢! 同仲爺返上去先煮粥啦, 跟住佢話要聽Mels, 都要開比佢聽, 希望睇多三五七次佢會識啦! 到子元回來就叫佢兩個沖涼, 然後咪食粥囉, 邊睇電視邊食實慢, 最終9點幾先K.O.到仲爺, 再叫笨元快D做功課, 明天又要足球比賽喎, 邊有時間做! 但佢做嗰D數又好深喎, 我答唔掂呀叫佢自己whatsapps問健sir! 老公10點多回來, 沖好涼有糖水食, 食完…勁眼瞓啦, 都冇等老公就瞓覺了!