24/2/17

24/2/17   FRI   COLD

今日都是如常的星期五, 都係咁揍仔返學啦! 返到公司都好忙好忙呀, 忙住做商會D嘢, 臨尾呢個星期會最忙囉! 做咗一朝都好冇咩做過咁, 又要開會又吹吓水, 結果下午先正式入肉! 所以下午時間過得好快呢, 夠鐘亦閃了, 返去攞齊嘢又去接我隻笨元, 仲仲可能聽到我返都醒咗, 但我都唔得閒理佢啦, 落到去等小巴等咗好耐都冇車, 好在子元都遲放! 老公嚟到樓下接我地, 揍咗子元去泳池就回家整嘢打邊爐, 奶奶又買咗好多嘢, 點食都食唔哂呢! 洗埋嘢老公就送嫲嫲回家, 我就K.O.兩隻嘢! 沖好涼睇吓電視摺吓衫咁啦, 明天都係要8點起身, 因為畫班呢!