27/2/17

27/2/17   MON   COLD

今日真係好充實呀, 因為好多工作做! 朝早如常咁揍仔返學啦, 返到公司快手寫日記, 又要開會啦, 跟住就要開始係咁寫座位表呀程序表呀等等, 真係寫足一個下午啦! 午飯要去買飯啦, 食得飽飽都好攰! 下午開始要繼續寫啦, 做到放工先叫做停, 又要快手去揍子元, 佢今日去參觀, 所以冇時間做功課, 不過佢都算乖架啦, 等我嚟嗰半個鐘就做功課, 不過都做唔得哂, 所以去唔到踢波, 要返去做功課! 去惠康買咗D餸就撘巴士返去啦, 叫佢快手做嘢我就煮飯, 所以都早開到飯, 8點多已經可以洗碗抺地, 再幫仲爺睇功課溫吓書, 8點幾沖涼就瞓覺! 然後到笨元睇功課溫默書啦! 搞掂哂已經10點, 終於可以沖涼! 邊摺衫邊睇harry potter, 真係好鍾意睇呀! 睇到12點多都眼瞓要去瞓覺啦!