23/4/17

23/4/17   SUN   COOL*

今日係子元9歲生日, 出年就開始進入雙位數呢! 不過今日真係冇咩慶祝活動, 一來迪士尼又去咗, 二來本身daddy話今日要飛嘛, 所以D慶祝都提早咗, 咁今日咪照平日的活動咁囉! 朝早係唔想起身架, 老公琴晚都唔知幾點返, 佢廢事嘈醒我地就喺廳瞓, 咁仲爺醒咗要睇電視咪叫番佢入房瞓囉, 仲爺起身又點會放過哥哥, 咁又重覆平日的吵鬧啦, 到10點多我地先起身, 梳洗出門口都11點, 去小童入埋簽, 車埋程生同婷婷返去, 就去食早餐, 然後子元去打鼓, 我地就去入吓油買吓嘢, 夠鐘就去接番子元去踢波, 有兩個鐘時間我想去行街, 所以就去咗荃灣, 泊好車去咗荃灣廣場, 老公問我睇唔睇吓HNM, 咁就買咗兩件衫一條褲, 感覺上出街唔係只係為咗佢地, 我都係買七八十蚊件GE嘢啫, 唔過份呀! 夠鐘返去接番子元, 食D嘢佢又要補番游水, 我地就返屋企, 老公第一時間補眠, 仲爺就搞咗好耐都未瞓, 我都唔理得佢咁多, 夠鐘就要去揍番子元, 返嚟沖好涼就叫兩隻豬起身, 約咗人晚飯, 又要入青衣接嫲嫲同大包, 6點幾出到去食大牌檔, 不過係同老公的舊街坊食飯, 所以我都係冇咩傾, 照顧住兩隻細GE食飯就算, 食完送番嫲嫲佢地返去本來就回家啦, 但我覺得子元今年都冇自己切一個蛋糕, 好似唔知點咁, 於是就去milk top買咗個蛋糕返去切啦, 沖完涼食埋蛋糕就瞓啦, 明天返學啦,我地就打吓機睇吓電視咁啦!

 

 

 

22/4/17

22/4/17   SAT   RAIN

今朝要照常返工, 所以都係8點要起身, 梳洗好捉埋佢地起身, 老公車咗我返工, 佢就揍子元去畫班, 放工前仲爺上咗嚟搞事, 跟住就去球場附近午飯, 接埋子元去乒乓球就返屋企, 老公把握機會瞓陣, 仲爺就唔肯瞓, 等子元打完波回來沖個涼就入青衣, 攞埋蛋糕上嫲嫲到切, 跟住就出去朗豪食自助餐, 仲爺喺車瞓鬼咗, 一路要抱住佢手都軟, 6點開始入場坐下, 仲爺繼續瞓, 我地有我地食, 嘢食都唔錯GE, 不過我又唔係餓得咁緊要, 所以都唔算食咗勁多! 食到7成就叫醒仲爺, 食咗碗粉, 仲有鵝肝咁, 當然要食雪糕啦, 佢都算合作架啦, 不過食飽真係幫助腸道運動, 食飽仲爺仲要POPO, 真係玩死! 老公揍咗我地回家, 佢同大包約咗個美國返嚟的朋友去飲嘢, 我就要返去照顧住兩個baby啦, 子元就要睇埋電視先! 睇住電視諗住等吓老公門, 不過1點whatsapps佢都話未飲完, 於是都係瞓先啦!

 

 

21/4/17

21/4/17   FRI   RAIN

今日係子元慶生日迪士尼之旅呢, 我地預11點才入到去, 因為朝早仲有嘢要做, 首先我要上PMH排內科個期, 跟住就食早餐, 寄信, 訂蛋糕等等, 準時10:30接埋婷婷就入迪士尼啦, 婷婷等於一張$200的泊車飛呢, 我今日就好似三個小孩的母親咁啦, 全家幅全部都5個人! 入到園首先要換襟章, 婷婷要換VIP個章, 子元就換生日章! 第一站去小小世界過吓冷河先, 跟住玩埋轉轉杯, 就要趕去玩poohpooh, 因為攞咗fast pass嘛, 玩完趕去睇巡遊, 老公就去攞ironman個fast pass, 睇巡遊時仲仲睇得好enjoy呀, 一睇完就採納程太建議去排魔法書, 不過要排大半個鐘呢, 咁子元又唔好睇, 咁佢就同老公去玩ironman先, 我就帶住兩個細喺到排, 好在有嘢食佢地都靜咗一排, 終於入得場啦, 呢D音樂劇最啱仲爺睇, 見佢好留心咁睇, 每完一幕就拍手咁, 真係好可愛, 婷婷就睇咗好多次, 都知到哂有咩睇! 由於要就番個fast pass時間, 所以一完場我就同老公交換, 馬上同子元去玩多次Ironman, 真係好玩喎, 好似真係飛緊咁, 對我嚟講已經夠刺激! 玩完呢個已經差不多3點, 真係要去食嘢, 點知一路食個天一路黑, 就知道大雨嚟緊, 快手食完嘢諗住去巴斯嗰到避, 但未去得切已經大雨到爆, 不過都幾好玩! 排到入去玩巴斯, 出到嚟就過去睇吓ironman個裝備展係咩, 都排得耐架, 但原來係可以同Ironman影相, 子元仲爺最開心啦, 衝住出去咁滯! 影完相子元話要再玩巴斯, 咁今日佢先係主角嘛, 就再去玩囉, 玩完出嚟見彈弓狗開番啦喎就過去排囉, 玩埋呢個就走啦, 一路行出去子元一路狂收集貼紙! 出去換埋衫上車, 出荃灣食高速線壽司, 仲爺食到尾已經半睡狀態, 最後企喺地吓伏咗喺櫈瞓咗, 老公就抱佢上車先, 我等婷婷食埋, 埋埋單就去滙合, 送婷婷返婆婆到, 任務完成! 回家放隻臭仲上床著條片就瞓啦, 佢都暈哂冇得沖涼, 好在抺咗身啫! 我地沖好涼都hea吓休息啦, 我衫都唔摺淨係洗咗衫咋, 老公好眼瞓, 10點幾已經走咗去瞓, 咁我自己睇電視到12點幾1點先瞓呢!

 

 

 

 

 

 

 

 

 

 

 

 

 

 

 

 

 

 

 

 

 

 

 

20/4/17

20/4/17   THU   RAIN

今朝老公只係揍仲爺入嫲嫲到, 子元就去Letty屋企, 因為有籃球打, 朝早要喺佢屋企托管住先! 我就返工啦, 今日都冇咩特別, 係老細一早返咗嚟, 好在冇過嚟搞事, 但午飯時又勁早返哂嚟, 搞到我想睇吓套新劇都冇機會! 下午都係做吓公事做吓私事啦, 老公突然話揍唔到仲仲返嚟, 咁我唯有叫阿媽幫我揍子元返屋企, 我就入青衣揍仲爺, 因為之前買咗個沙律菜再唔食就過期啦, 所以返嚟煮粉食就算, 都係咁洗碗吸塵抺地啦, 捉佢地沖好涼就要仲爺瞓覺啦, 子元就要睇埋電視10點幾先瞓, 本來我叫佢執好明天去迪士尼個袋佢都想唔做住, 梗係比我丙啦, 我都要執定嘢先啦! 老公要應酬公司D高層, 佢最怕就係呢D, 陰公豬!