14/2/23

 14/2/23      TUE.    COOL

今日安排左啲嘢俾自己做，咁就覺得冇咁浪費時間！朝早瞓到八點幾先起身，整咗早餐俾細佬食，叫醒埋哥哥，我叫佢洗埋衫，整定午餐喺廚房俾佢哋食，跟住我就出去，因為要過舊屋嗰邊做清潔，其實只係好求其咁樣掃咗啲塵抹咗個地，但都做咗我差不多兩個鐘到，仲要執埋啲垃圾，總之表面上就清潔咗算，反正最後都係話你清唔乾淨，唔太過份就得！最後清潔完我就喺每個地方影低張相做紀錄，到時佢收咗屋都冇得話返轉頭，起碼我都有啲證據係手！返屋企之前去咗westway買嘢，佢哋而家食嘢食得太快，我要買啲唔太貴又餵得飽佢哋嘅嘢！返到去好肚餓啦，食咗個粥先，然之後煎同蒸咗啲蘿蔔糕俾佢哋食！跟住佢兩個就係咁㗎，我都有少少無所事事啦，老公放工去買來整牛扒飯、所以差不多六點先返到黎，跟住就開始整晚餐，其實今晚又有洋蔥湯又有卡邦尼意粉，我都整咗羅拔臣啫喱仔，加埋個T骨扒，不過因為分開整所以淨係影咗塊扒，合照都冇影張呢！不過節日呢啲我地一向都郁咩儀式感，有咩所謂！

13/2/23

 13/3/23     MON.     COOL

今日完全係hea過的一天假期，朝早8點幾先起身，食完早餐就諗緊有咩事做，今日都係整咗個蘿蔔糕先啦，又切又煮咁都玩幾個鐘，所以2點先整午餐佢地食，好求奇咋，有嘢餵飽佢地就算！然後就陪細佬打機到老公回來，車啲清潔用品過舊屋，明天求其都要過去執吓，然後去買埋肉明晚煮T骨扒，仲叫肉檔留翼尖比我呢，希望真係有啦！去Loletta細佬屋企攞埋釘槍就返屋企煮飯，睇吓電視洗碗沖涼瞓覺！

12/2/23

 12/2/23.    SUN.    COLD

今日都係星期日例牌動作，仲爺要比賽，子元就補習，不過今日仲爺12點才踢波，唔洗趕之外仲要揍咗子元去補習先！今場主場又勝出，雖然有啲危但仲爺都踢得好好，man of the match呢！跟住我哋就返屋企，買咗飯團做午餐，然後我就做家務，又要洗衫又要洗波鞋，然後我摺衫，做完差不多又要煮緊飯，等老公返嚟，今晚食暗然銷魂飯！

11/2/23

 11/2/23.    SAT.    COOL*

今日都係如常的星期六，起身煮早餐再帶仲爺去踢波，然後我哋快手去中超買嘢，因為下星期三去探老公個朋友，侷個囡鍾意食蘿蔔糕，咁唯有整番啲佢食！踢完波返去接埋子元就去食晏，然後喺舊屋嗰頭買嘢，再揍子元去練波，去舊屋又搬啲嘢返去，跟住就係收拾工程，因為只係淨番兩細箱未搬到，所以已經可以落實哂放咩位置，除咗洗米煮飯，食飯前都係咁執嘢記錄，晚飯後都係打吓機沖涼休息！

10/2/23

 10/2/23.    FRI.    COLD

終於係最後一日啦，返埋今日就term break啦，真係好開心！今朝有啲趕返到學校，正常咁去開工啦，星期五得返大姐喺度，跟住啲更表又亂晒籠，大姐梗係搞唔掂啦，佢真係高分低能！不過今日佢冇難為我就算啦，第一堂悶咗成堂英文，諗住去Reception等Bella，過咗一陣個同事通知我，佢今日唔返，其實我都估到㗎啦，今日啲堂佢咁唔想上，點會返！問返大姐，佢叫我跟Jezzy，其實我都冇乜所謂，期間仲要去移動另外嗰個行動不便嘅同學，之後隨機會去同咗佢要佢哋吹水，總之今日就順順利利平安度過，本來都想麻煩老師果糖英文簿因為要係更換一個同學佢放飯唔使上，我不知幾開心柏皓放工可以準時出車走人，接咗細佬先去玩返德仔頂帽去托兒所，然之後返舊屋攞細佬嘅單車去賣，賣到10磅好過冇啦，跟住買埋餸就返屋企，今日佢哋兩個都唔去踢波，所以我先整好咗晚餐嘅材料，到6:00就叫我老公起身煮，跟住到我瞓覺，夠鐘就起身食飯睇吓電視咁洗埋碗就沖涼瞓覺！

9/2/23

 9/2/23.    THU.    COLD

今日本來以為可以正正常常安樂咁過一日，點知都係搞着我，重點都係Debra發癲，我夾唔到，我嘅同事食午飯，結果我要去到第五堂先至可以開飯，好在今日我有自己帶飯，如果唔係飯堂都冇飯買都唔知點算！其他大致上都冇乜特別，大多一日就放假喇支持主呀！放學接完細佬，佢又要去公園玩一輪，所以買埋餸返到屋企已經四點幾，唔夠一陣又要去湊德，不過今日都係最後一日湊佢啦，條友都係要喊住出嚟，因為佢眼瞓想我抱佢，但係我唔會抱！食完飯玩完一輪，就要送佢返去啊！跟住我哋就返嚟煮飯，食睇電視，沖涼瞓覺！

8/2/23

 8/2/23.    WED.    COLD

今日真係燥底都有啲唔係好想寫日記，因為唔想再講一次今日發生嘅事！都係麻煩好事啦，其實我同個學生合作左大半年，日日放學佢都係自己又放鬆行去學校門口離開，其實真係冇乜問題，你哋有冇講明要送咗佢出去，佢有冇家長來接，咁究竟自己行出去同我帶佢行出去有咩分別呢？我諗分別就係有啲咩事，學校唔使孭鑊，講到尾都係自私做法！呢間學校究竟有幾outstanding ，真係有目共睹，完全唔覺啲學生想返學，算啦，捱多兩年轉去第二間㗎啦！今日我同Bella一齊其實都好地地，但係變做等過來，總算冇乜大問題，如果佢咁樣日日上都會剝低，真係幾頁紙都唔掂，有時我見有啲係㗎我食飯嘅時候見佢拍枱又要寫興奮同學，咁每日真係好多嘢要寫啦！放學早啲帶到佢出去，咁我都準時可以收工，接咗細佬，佢又話要玩公園，跟住我哋又要去買餸，返到嚟又話要食嘢，真係未停過手，轉個頭老公返到嚟又要去湊德，搞掂又要返嚟煮飯，所以食完飯之後佢哋去晒沖涼嘅時候我喺梳化已經瞓到深層睡眠，我估我今日真係好攰！