16/12/18

16/12/18.    SUN.    COOL

今朝老公要帶子元踢盃賽，基本上一朝早就出咗去，我就瞓到10點幾先起身，仲爺都唔知睇咗幾耐youtube，仲識得攞腸仔食飲奶，煮埋早餐比佢食，比佢玩吓玩到12點幾開始慢慢執玩具，因為下午要去琛琛生日會，所以仲爺都好合作，入到青衣城買埋禮物過去，真係3點玩到6點，有得玩魔術，又有好多遊戲玩，佢地就最開心啦，我最開心係有得食嘢呢！仲爺學玩魔術時真係好比心機，所以有得當住大家表演佢好開心呢！玩到6點影埋相就返上嫲嫲到，佢今晚喺到過夜，我就去海怡同老公佢地會合，食埋飯又返番屋企咁，其實對我嚟講都幾無謂！返到去都係睇吓電視瞓覺！