8/12/18

8/12/18.   SAT.    COLD

今日又係忙碌的一天，朝早8點幾起身佢地起咗身，但又係要人催先出得門口，揍咗子元去學嘢，我地就食早餐，跟住老公就車我去銘賢聽talk，點知仲爺開車冇幾耐就嘔，真係比佢玩死，好在仲有子元的後備衫換咗頂住先，但架車都係要抺架啦，叫做處理咗先啦！過到去銘賢竟然剛剛落閘，要上上層，我話已經有人喺入面都唔比入，咁我都上咗去先啦， 襯個校長講完嘢，子元又咁啱打比我，我就出去聽完電話再扮哂嘢話我老公喺入面，因為撞正我出咗嚟就閂咗門，咪叫佢地放番我入去囉，扮哂嘢！不過呢個talk唔聽都冇蝕，硬件軟件都唔掂，學校又唔識sale或者係冇嘢好sale啦，講吓有咩入學申請要求的資料都冇，叫人點去考慮呢，你又唔係神校！終於聽完就痴程生車返屋企，返去收拾啦又要出門口，帶仲爺去學音樂，我就食個晏行咗陣，睇吓有咩買，買埋麥當勞接仲爺就撘171返去，喺車瞓咗一輪，老公因為揍咗子元去比賽未返，本來諗住喺樓下等，但仲爺又急尿，最終返咗上樓先囉，然後交收完人質老公又帶仲爺去踢波，我返上樓就要執拾番個案發現場咁，真係好攰啦！6點幾老公打嚟話回來接我地同梓朗佢地一齊食飯，等嚟等去都冇位，最終去咗食泰國嘢，都算幾好食嘅，食到8點幾先返去， 老公又要去踢波，我趕佢兩個沖涼做功課溫書等等後，打暈埋佢地就摺衫，都已經12點幾，老公明明踢到11點咋嘛， 要差不多1點先返到，可惡！