3/12/18

3/12/18.   MON.    WARM

又到忙碌的月頭日子，今朝有老公車我地，所以可以好早返到去食埋早餐慢慢開工，不過一早都未做公事住，因為太多私務要做，過埋啲相等等，跟住又有好多人嚟打斷我，所以都預咗今日做唔哂啲job cert，午飯後還要做子元的專題，而家做人阿媽真係難，功課都要做埋！下午真係要努力啦，做得幾多得幾多！轉個眼就放工，老公話出去食，就去咗元洲試拉麵，好好食呢仲可以食埋雪糕！回家後都係沖好涼做家事啦，睇埋佢地功課，又睇吓子元廣州交流團啲嘢！