17/7/20

17/7/20.   FRI.    HOT

今日老公車我返工，因為佢返夜咪可以一早放工時車咗我返去先回家囉，最好笑係我8點未夠已經返到去，因為未到法定時間要拍卡再入password ，不過我真係未試過，只記得係用身份證號碼，但原來係尾4不是頭4，好傻咁企喺門口等人回來，好在蘇菲回來救咗我啫！攞番買吅左嗰袋清潔用品比老公攞返去，我就返去食早餐開工！朝早主力做好屋企個更表，跟住就係工作嘅更表！午飯都係睇吓劇啦！今日split office開始，之前喺利登見過的又再過番，仲可以吹吓水呢！另一啲我就唔多願再深交啦，當初可以咁樣鬧走我，今日仲叫我一齊吹吓水，唔好玩啦，我係咁小器架啦！下午本來諗住hea過，點知阿姐出到聲話叫我地去QC啲口罩，咪入去做咗一個鐘先放工囉！返去老公煮晚餐，我又帶咗公司午餐返去，叫做慳得幾多得幾多！食完飯清潔完就落去跑步，撞正抄牌老公就駛架車入來，咁又逃過一嘢！老公今晚返夜，回來沖個涼就返工啦！