5/7/20

5/7/20     SUN     HOT+

星期日嘛，梗係瞓到自然醒啦，hea到10點左右先起身，梳洗完出去食早餐，時間關係唔多選擇，食咗新華咋，係有啲貴但好食！食完就入咗沙田，睇吓嗰到間奇趣天地有冇畢業公仔，但最終都只係買到件畢業袍，想套落邊隻到都得啦！再喺新城市行咗陣就回程，子元要去小童打nurf，我就先去程家攞子元件淘寶畢業袍，見識吓程生受傷隻手！回家後休息到睇完翻做的造星，就開始同仲爺溫書，太耐冇咁溫書，我又激到發哂火！之後心情都唔多好，煮咗冬瓜湯做晚飯，沖好涼可以休息吓，好辛苦趕哂佢地去瞓先可以自由咋！