22/7/20

22/7/20     WED     HOT

今日又係work from home的日子, 瞓到9點幾先起身, 今日係諗住整個靚早餐, 所以梳洗完就煮早餐, 又三文治又炒蛋餐肉通粉咁, 食完好滿足! 跟住就hea 吓做吓家務先, 子元跟時間表做嘢, 仲爺就free style, 到我煮完午飯食完, 2點幾3點開始捉仲爺做功課, 又係激到爆血管系列! 老公回來, 搞掂佢兩個, 就出去買定晚飯買定呢個星期啲餸, 陣間真係封城就死, 政府唔會諗你咁多嘢! 6點幾返到嚟執好嘢開飯, 睇埋愛回家落去跑步, 不過今日好似唔多夠氣咁, 回來咪沖涼睇電視囉, 明天又要返工啦, 返多日又放, 要快手做好嘢!