24/7/20

24/7/20     FRI     HOT

今日應該係home office，好在最終都順利home到！朝早7點幾Ivy就打嚟，話佢嗰棟有人確診咗，佢今日唔可以返，今日又要派嘢，怕阿姐搞唔到會call 我返去，所以比定心理準備我， 好在最終都冇收過電話啫！hea到9點到起身，梳洗完煮早餐， 今日又係煮得好豐富，食飽啲唔洗煮午飯啦！hea到差不多12點真係要做功課，仲爺真係好慢，搞到我睇唔切摘星廚神！所以到3點左右整咗tea，好邪惡的芝士西多士， 再加燒賣！老公回來車我去街市買一轉嘢，返到去就慢慢開始煮飯，飯後去跑步，係時候郁吓！