23/7/20

23/7/20     THU     HOT

今日準備應接緊張的一天, 因為阿姐今日都返工, 真係好怕應對佢, 要快狠準唔係咁易! 今朝要叫哂佢地起身, 因為要返荔天攞書, 一年級要攞8-9點, 所以叫老公車到我去南昌站佢先返學校, 咁買咗啲早餐返公司食, 然後就開工啦, 今日真係未停過, 好陰公呀! 阿姐又十號風球咁喎, 都係保持住你睇我唔到的狀態好啲! 午飯時都仲要做住嘢, 不過就照睇住劇做, 唔係會追唔切! 下午啲時間都過得好快, 幾經辛苦終於都捱到放工, 安全著陸走得! 撘得巴士返去等開飯, 老公今日又整咗好好味的晚餐呢! 今日精神上太攰啦, 唔想落去做運動, 做一轉核心訓練算!