15/4/21

 15/4/21     THU.    WARM

 今日都係咁返學啦，6點個iPad喺到響，應該係仲爺唔知幾時較咗啦，咁又嘈醒咗我，可惡！梳洗又慢吞吞咁，都遲咗出門口架啦！返到公司食個早餐就開工，做自己嘢，阿姐朝早唔喺到嘛，但快樂嘅時光過得特別快，好快放飯佢就返，可惜！飯後去德福行過圈，下午返去真係要開工，偍都做吓自己嘢囉，老公今晚又同子元去球場，再直接返工，所以今晚又見佢唔到啦！放工返去嫲嫲煮咗飯比我地食佢就走啦，所以都係睇功課食飯清潔然後又係做功課，仲爺做功課真係令人好難受，又話要睇電視又話廣告先做，真係想煎巴佢！到瞓覺之前，又話玩埋先又未執嘢，總之就多多事實，今晚忍唔住片咗佢鑊甘嘅！