6/4/21

 6/4/21     TUE.    HOT

今晚係最後一日復活節假，節目係愉景灣玩沙！約咗11點幾先喺美孚集合，我地仲去咗長沙灣食埋早餐先集合，子元了要跟埋一齊去，咪由得佢囉，有時都係要玩吓！入到愉景灣都12點幾，馬上set嘢比佢地玩，天氣都算唔錯，有太陽又有風！睇住佢地玩咁囉，一時又話要玩遊樂場，真係玩死大人！老公2點左右就要返去，因為4點又有人嚟睇樓，子元都跟埋出去，因為今晚要踢波嘛！跟住我同程生就去買麥記，又人多又要等，返得去開餐都3點幾，又要帶啲細去洗手，真係行到腳軟，食飽佢地又玩，我地可以輪吓更揍，都係好事可以休息吓！玩到5點幾襯佢哋未返齊，我同晴媽搬哂啲嘢上行人路慢慢執，來來回回好多次終於洗乾淨哂物資同人，6點幾回程！返去洗嘢洗人執嘢囉，叫老公等子元踢完波買嘢返嚟食，明天又要開工啦！