19/6/21

 19/6/21     SAT   HOT

今日出出入入忙忙碌碌咁, 早上9點幾先起身, 都趕唔切食早餐, 簡單咁喺OK買咗三文治咋, 因為子元去踢波, 我就揍仲仲去學音樂, 過到去海怡個地鐵站時, 一上完電梯見到學音樂個廣告, 仲爺一走埋去就見到自己個樣, 雖然唔係最大個頭嗰啲, 只係細相入面其中一個, 但佢都好興奮, 又要影相又要點咁! 真係比佢笑死! 喺唐記買埋個布丁燒, 學完嘢先食, 我就襯時間去睇一睇嘢, 等仲爺學完嘢就同joyce食午餐, 佢都算係咁, 琴晚睇完波都為咗見吓仲爺出嚟! 食完吹完水都點幾先回程, 返得去又要趕做功課, 4點幾又要出發去踢波, 先攞咗書過去比晴媽, 跟住先一齊行去球場踢波, 今日最後一場啦, 完場時影吓大合照啦, 我都叫仲爺同3個阿sir影番張相留念! 回家沖涼後, 預番時間等子元踢埋波先, 出去奧海城食food court啦, 飲埋個珍珠奶茶就回家沖涼瞓覺!