24/6/21

 24/6/21     THU     RAIN

今日下午覆診, 所以朝早都冇咩心機做嘢, 揍咗仲爺返學再買個早餐返工, 食完吹吓水做咗少少嘢又係到睇屋, 完全無視阿姐, 真係要好好享受呢段日子呢! 等收工1點即閃過美孚同老公會合, 一齊食午餐, 食完我都閃先, 返去換衫攞埋覆診紙就上去覆診, 要佢寫埋去英國GP時用的藥物單等等, 攞埋藥回家, 又係要對功課, 執吓櫃掉吓嘢等等, 跟住老公跟咗子元去練波, 我同仲爺喺屋企, 條友玩到7點幾都唔捨得完, 同啲公仔開party喎! 8點幾過到去樂富同佢地會合食晚餐, 我好傻咁一講米線以為譚仔, 好在未叫嘢食仲走得! 食完又好似唔多夠, 唯有再出去超市買啲, 見到有盒刺身好抵, 即買啦!