21/6/21

 21/6/21     MON     HOT

今朝又係要揍仲返學啦, 然後撘西鐵明知紅磡轉咗新月台, 但都係好迷網! 返到公司食早餐後就開工啦, 今日都忙呀, 朝早做好通告啲嘢, 下午又要教Mandy做handover啲嘢, 慘過自己做但又冇得唔教喎! 午飯又要諗食咩, 最終咪又上咗德福食super sandwiches, 忙足一日仲要趕車放工真係好攰, 但原來我返到去老公都已經出咗門口, 佢約咗人食飯, 直接返埋夜, 所以我超過一日見唔到佢! 返到去又要快手煮飯, 因為好餓, 食完又要清潔又要對功課, 仲爺竟然有同學幫佢做哂啲功課, 勁錯囉, 我梗係刷咗佢做過, 不過都冇刷哂全部, 但就嚴正警告咗佢, 再同嗰位同學個家長私apps, 叫佢個囡唔洗咁好人! 等佢地瞓哂我仲要摺衫, 子元已經好好幫我摺咗兩機, 可能佢唔想溫書掛! 跟住仲要覆埋睇樓啲電郵, 老公又唔喺屋企我自己都唔知點覆好, 啲時間好唔夠用囉!