16/10/21

 16/10/21     SAT.    COOL

星期六真係放吓假先，早上老公食完早餐就揍子元去練波，我就同仲爺喺屋企做功課，然後預備午餐同睇電視，跟住搜尋吓要去嘅地方，因為今晚約咗炮哥佢哋去食buffet。老公話佢要瞓陣覺先，所以我哋四點幾先出門口，點知Google又點我行山路，明明一個鐘路程變咗兩個鐘，搞到我哋去到已經天黑，又影唔到相又睇唔到景，激死！趕到去食buffet的地方入座，算係幾多嘢食，得個半鐘食咋，不過都夠架啦！食吓吹吓水咁，諗住趕得切去睇煙花，但車程上已放緊，去到公園只睇到水尾，又要回程啦！跟車尾行公路快好多，一個鐘多啲就返到，又要捉佢地快手沖涼休息！