6/10/21

 6/10/21     WED     COOL

今朝都係如常咁揍哂啲仔返學, 就返屋企食早餐啦, 炮哥叫我地去新屋幫手, 咁食埋早餐就過去啦, 我初時以為係幫佢睇吓要裝啲咩, 咁去到又買鎖又度尺咁, 最終啲男人去買嘢, 我同loletta喺屋企面就鋤牆, 因為上手將啲保暖膠痴哂喺出面, 我地就要鋤番哂佢落嚟, 手都軟! 等佢地買埋嘢返嚟食, 2點幾要走啦, 因為各自又趕揍放學, 本來諗住揍完子元再揍仲爺就啱, 點知子元今日遲放喎, 搞到我遲咗接老師打電話嚟, 真係勁唔好意思! 返到去準備晚餐, 今晚想煲栗子雞湯, 所以要早啲準備, 5點老公就帶子元去跑步, 仲爺跟埋去玩, 我就喺屋企! 老公回來差不多又煮晚飯, 咁又一日啦!