30/10/21

 30/10/21     SAT.    COLD

今朝八點幾先起身，跟住煮早餐，然後老公就湊哥哥去練波，我就同仲仲喺屋企，都冇咩做，就捉佢讀吓英文書計吓數，然後睇吓機咁囉。然後做同婆婆嫲嫲傾吓電話，差不多一點佢哋就返嚟喇，等子元沖完涼，就去Broadway 食嘢買嘢 ，搞掂晒啲嘢就去睇 Halloween，原來都要排好長龍，我哋排咗半個鐘，其實嗰個地方只係農莊，但佢有好多萬聖節佈置，仲仲最驚就見到蜘蛛，子元就全程睇電話打機都唔知佢睇唔睇咗啲咩。行完就去超市買埋野返屋企，係咁嘅佈置吓個萬聖節門口，等聽日啲小朋友會嚟敲門攞糖，跟住老公就煮晚。