5/8/15

5/8/15   WED   HOT

今日都係無無聊啦, 朝早唔洗揍仲入去, 嫲嫲想休息, 咁老公自己搞掂啦, 我搞掂就返工啦! 返到去都係吹水hea吓啦, 午飯要去買飯啦, 只係買咗冷麵手卷咋! 下午都係hea, 睇埋個小說咁啦, 放工就去Aeon買餸, 星期三有平嘛! 買完諗住去小童接笨元時, 老公打嚟話佢瞓咗冇揍子元去非洲鼓, 佢話子元冇叫佢掛住睇電視, 但佢氹柏仲瞓唔係藉口囉, 兩個都有責任! 咁我咪直接返去屋企囉, 本來諗住沖咗涼先煮飯, 點知柏仲又話要popo, 咪比佢po咗先囉, 點知條友疴疴吓企喺到, 結果疴咗落地, 又要我執手尾, 同佢沖咗涼就煮埋個飯, 食完執好手尾諗住K.O.埋柏仲先沖涼, 點知隻豬仔唔知做咩, 係都唔肯瞓, 又要走出嚟又要喊, 最終都比我鬧番佢去瞓, 但到我地入房時佢當然喺大床, 仲要搞到D被亂哂, 激死!

4/8/15

4/8/15   TUE   HOT

今日都係要揍仲仲入去, 7點幾起身, 趕得切8點多嗰班車, 咁買埋早餐返公司都冇咁晏嘛! 跟住都係做吓自己嘢hea吓悶吓啦! 嫲嫲話唔咁早揍仲仲出來, 我地可以同子元去吓街, 真係夜而柏仲又瞓咗, 可以留佢過夜, 不過我又唔多捨得, 都係到時先算啦! 午飯後都係睇吓電視打吓機啦, 下午更悶就睇吓小說囉, 都係無聊架啦! 放工約咗老公喺地鐵等, 同埋子元去九龍灣, 諗住行吓睇吓傢俬, 不過去到德福佢又要玩吓卡機, 又要睇吓玩具, 所以過得去Mega Box都7點, 先去IKEA食個晚飯先, 要食飽3個人都要接近$200, 不過今日又幾好食, 可能閒日人少d係好d! 食完就睇IKEA啦, 廚房廁所餐枱咁啦, 睇吓攞吓靈感都好, 本來仲想再睇耐D, 真係唔返去揍仲仲架啦, 但嫲嫲話仲仲又要著鞋又要攞袋, 所以帶咗佢落街行吓, 睇嚟都一定要返去接佢架啦, 咁就去撘巴士返去啦, 都瞓咗一陣咁啦, 返到去路口時見到休渣咗架私家車喎, 原來佢今日攞到車牌, 捉咗健同佢加鐘, 多口叫佢車埋我地, 咁佢又肯喎, 5人車加多兩件細路囉, 不過佢地話想去荃灣食糖水, 見仲仲都瞓咗一輪又夠精神, 咪一齊玩吓囉, 見住休唔多識路又渣得好慢咁好搞笑囉, 終於去到荃灣啦, 由於車位太窄, 都係要健去泊位, 我地就去松記攞位先, 行緊去時, 竟然又撞到MIA姐姐喎, 佢又得閒咪一齊食囉, 好耐冇試過咁夜同堂食糖水啦, 感覺後生咗幾年! 跟住休車番我地返屋企, 雖則係慢D, 但點都叫安全到達啦, 返得去都12點, 快手沖涼K.O.咗佢兩個, 我地反而唔眼瞓, 結果hea到兩點幾先瞓!

 

 

3/8/15

3/8/15   MON   HOT

今日要揍仲仲入去, 差不多搞掂D嘢就check巴士班次, 順利上得到車入去, 買埋早餐返公司, 都係寫吓日記悶吓咁啦, 終於到午飯, 去咗買麥記, 本來想新嗰個包, 但因為好似真係唔多好食, 所以都係買番個傻蛋包, 下午都係hea吓又做吓嘢啦, 無無聊咁, 放工買餸接子元, 點知走咗架6號之後, 等咗好耐先有車, 好明顯路面情況異常, 因為show出來嗰10分鐘10咗好耐都未變! 幾經辛苦先返得到去, 都已經7點了, 沖涼煮飯食飯洗碗抺地, 訓練子元幫手好過叫陸生幫手, 搞掂哂嘢都9點多, 比柏仲顛多陣又食奶啦, 之後K.O.埋子元就可以睇吓電視, 睇埋J2套劇都瞓啦!

2/8/15

2/8/15   SUN   HOT**

今朝好傻仔, 完全唔記得咗今日係冇畫班, 到咗畫室見閂咗門先知, 咁咪去食早餐囉, 加上仲有袋衫喺媽到未攞, 就放低兩隻嘢喺婆婆到, 我地兩個二人世界吓食個早餐, 食完返上去都hea咗陣先走, 返到去老公負責K.O.柏仲, 仲K.O.埋自己! 我就叫笨元自己做暑期作業, 我就做家務, 抺地摺衫煲粥等等, 呢D嘢永遠都做唔完架! 到點幾就煮咗麵同子元一齊食咗先, 因為佢下午要去足球選拔, 柏仲醒咗就餵粥佢食咗先, 然後都係玩吓, 我都幾衰咁睇住Running man咁陪佢玩! 一對一時柏仲其實好冷靜架! 到4點多執好嘢食支奶就出去會合老公佢地, 近近地都係去Aeon咋, 子元又要去玩卡, 總覺得佢成日比人呃咁, 今次監督咗佢, 玩咗一次就行人, 佢去睇玩具我就去買嘢, 又買咗File佢放證書, 再上12蚊店買咗擦身嗰個布, 跟住就去排隊食咖哩飯, 排嗰時我去超市買吓嘢, 要買番少少柏仲的飯仔, 仲有D魚蛋咁囉! 子元獨佔一個兒童餐, 唯有喺我地嗰D比有沾到咖哩的蛋和飯柏仲食, 有匙有碗佢堅持要自己食, 佢又豬唔哂喎, 一隻手唔準就加多另一隻扶住個匙底放入口, 都食得到五六成, 有時要幫佢忽吓咁囉! 相比起子元我覺得佢已經算快控制到, 佢兩兄弟真係完全相反, 一個得把口, 一個雙手勁! 食完就回家啦, 沖好涼玩陣就瞓啦, 我都攰啦, 睇埋明珠套戲都瞓囉!

 

 

1/8/15

1/8/15   SAT   HOT

今日都有節目架, 不過朝早就唔關事, 都係要返工! 老公揍咗子元去乒乓球, 點知又話肚痛又話柏仲想瞓, 想返去先, 叫我揍子元放乒乓球, 本來都唔想, 怕唔係咁好, 但最終怕仲仲瞓得唔好, 下午要出街又麻煩! 所以最終都係過咗去接佢, 喺公司等我放工, 一齊去買午餐然後返屋企囉, 仲仲醒咗不久, 一齊食嘢先啦, 條友食哂一個蘑菇飯仲要食我的飯團! 食完就要做吓運動啦, 我換咗兩張床單, 摺咗兩機衫, 都算係咁! 到3點幾執吓嘢餵埋柏仲食奶先出門口去楓到, 睇佢個B, 4點幾5點先過到去架, 第一時間洗手玩B, 可能我夠厚肉, 抱住佢就瞓啦, 最搞笑係柏仲, 見我抱住人地個B, 佢識呷醋喎, 坐吓梳化低哂頭玩腳趾咁, 幾可憐咁GE樣呀! 佢又唔喊, Carlie嚟到抱咗羊仔, 我抱番仲仲時, 佢就係到奸笑, 仲要伏實我唔放, 可愛到呢! 不過之後就開始搞家, 地方細又人多, 又多新嘢搞得到, 睇住佢真係攞命! 之後我再抱羊仔, 柏仲今次唔扮可憐啦, 係咁拉我衫要我抱, 所以將羊仔交咗比老公抱! 7點多一齊出去食飯, 都係去附近酒樓食, 不過杜大小姐叫餸實叫得多, 但而家老啦冇之前咁食得, 又要睇住仲仲, 老公食到8點幾又去踢波, 我一個人真係顧唔到咁多, 都食得幾辛苦, 食完Carlie車我地返去, 柏仲準時9點自己關機, 不過上咗車就醒番, 都好GE返去可以沖涼! K.O. 咗柏仲, 子元又可以自己睇電視我先再去沖涼囉, 本來都想瞓唔等老公返架啦, 但最終都係瞓吓醒吓咁等佢返嚟!