3/8/15

3/8/15   MON   HOT

今日要揍仲仲入去, 差不多搞掂D嘢就check巴士班次, 順利上得到車入去, 買埋早餐返公司, 都係寫吓日記悶吓咁啦, 終於到午飯, 去咗買麥記, 本來想新嗰個包, 但因為好似真係唔多好食, 所以都係買番個傻蛋包, 下午都係hea吓又做吓嘢啦, 無無聊咁, 放工買餸接子元, 點知走咗架6號之後, 等咗好耐先有車, 好明顯路面情況異常, 因為show出來嗰10分鐘10咗好耐都未變! 幾經辛苦先返得到去, 都已經7點了, 沖涼煮飯食飯洗碗抺地, 訓練子元幫手好過叫陸生幫手, 搞掂哂嘢都9點多, 比柏仲顛多陣又食奶啦, 之後K.O.埋子元就可以睇吓電視, 睇埋J2套劇都瞓啦!