9/8/15

9/8/15   SUN   HOT

今日都算有節目架, 朝早去學畫班, 我地就去食早餐買吓嘢咁, 接番佢之後就去買生蠔今晚食, 返到屋企我要K.O. 柏仲, 老公出去攞蛋糕, 幾經辛苦打暈咗佢, 我就可以抺吓地執吓嘢先, 因為又買咗一堆嘢返嚟嘛! 諗住仲仲瞓醒就去斧山道游水, 唔係太餓就煮咗丁麵食咋, 過到去泳池竟然大排長龍, 結果排咗半個鐘先入到去, 快手換好衫就去玩, 柏仲初頭都唔知咩事, 但知道原來可以咁玩喎, 就不停要瀡滑梯啦, 難為我地要抱住或拖住佢上上落落咋, 最大嗰條梯足足玩咗有20次呀, 佢完全唔怕, 跌咗入水中時嘗試浮自己上嚟, 見佢唔得就抱番佢上水, 佢一D都冇驚, 好堅! 子元就主力玩D低B嘢, 水槍呀浮床呀咁, 玩到5:25就好閃啦, 因為一收池衝入去更衣室實迫爆, 好邪地喺更衣室撞到maymay喎, 咪叫子元跟住排隊沖身囉, 快手搞掂就出去啦, 食吓燒賣抖吓涼先, 跟住就撘巴士返屋企! 我地沖涼老公就煮大餐, 有牛扒, 老公開生蠔, 沙律, 意粉, 最後仲有蛋糕! 等食時柏仲又食奶, 食蕉, 食飯仔, 咁佢先滿足D, 可見佢喺水到真係出咗好多力玩! 切蛋糕食埋就比仲仲瞓啦, 我都攰到爆, 四肢無力! 不過最驚係晚上開始真係又雷又雨, 明天都係去唔成沙灘架啦!