26/8/15

26/8/15   WED   HOT

今日要揍仲仲同子元入青衣, 7點幾要起身啦, 叫醒埋子元快手起身梳洗就出門口, 落去都仲要等陣車, 去到食埋早餐先返工, 朝早都係做吓自己嘢, 午飯後睇吓電視咁, 下午又要開會啦, 老細係到所以全個下午都係做公事, 放工先返青衣同埋奶奶一齊出去荃灣食沙樂美, 老公放工就直接過去! 嫲嫲投訴子元冇做功課呀, 我又要片佢一餐, 真係好攰! 過到去食嘢, 柏仲梗係又搞搞震啦, 比我鬧又喊, 但冇眼淚GE! 點都叫做順利食完餐飯就返屋企啦, 行去撘地鐵, 柏仲又係好行得, 去到商場安全D位就比佢自己行, 但一定要佢拖住囉! 返去沖涼食奶瞓, 跟住先到我沖囉, 子元就要做番佢未做的功課, 都做咗個幾鐘呀, 條友又有少少放軟啦, 加上D嘢係深GE, 都啱架啦! 做到10點, 比佢睇多陣電視10點半瞓囉! 我都攰啦, 11點幾睇完新聞就瞓囉!