14/8/15

14/8/15   FRI   HOT

星期五啦, 唔洗揍佢兩隻嘢就直接返工, 買個北海道早餐, 返去食完就吹吓水吓自己嘢, 然後又食午飯啦, 下午開始做埋商會條數, 放工前完成到12月了, 又要等另一秘書搞掂1-3月我先有得再做, 估唔到自己做得咁快! 放工去惠康入吓貨, 因天氣轉壞, 老公先同程生婷婷返屋企, 我去小童接佢兩個去游水, 見敏瑩話比子元知買咗POOH的TSUM車比佢時但原來子元已經買咗, 敏瑩有D失望個樣好得意, 不過子元話唔緊要, 我本身都想要多幾架之後, 敏瑩又開心番! 返到去屋企原來嫲嫲已經將D飯餸預備得差不多, 所以我都唔係好多嘢要搞, 咁啱程生佢地幫子慧買嗰D衫又攞咗過, 於是講講吓子慧佢地游完水就上埋嚟食飯, 真係超級熱鬧呀, 又要幫兩位小姐沖好涼先食飯, 食完吹吓水咁已9點幾, 洗埋碗後大嗰3隻入咗房玩好耐, 細嗰兩隻就喺廳玩囉, 柏仲10點幾都要瞓啦, 食埋奶就放佢入房瞓, 我地都仲hea咗陣, 所以佢地都差不多11點先走呢, 今個星期五真係夠哂熱鬧!