24/8/15

24/8/15   MON   HOT

今日又要返工啦, 老公都有工返, 7點多就要出門口, 所以我要一揍二入青衣, 見架巴士冇咁早到就快煮個麵同腸仔帶飯! 入到青衣食埋早餐先返工, 今朝都唔算太多嘢做, 寫吓日記執吓相咁啦, 午飯睇埋個大結局開頭又打吓機啦, 下午老細有返嚟, 但佢地D高層開會唔關我事, 開完就走啦, 我繼續做自己嘢, 放工入青衣, 柏仲沖緊涼, 子元仲做緊功課, 可惡呀, 成日蝦嫲嫲! 等嫲嫲搞埋D手尾就出門口, 約咗老公喺青衣城食晚飯, 今晚試咗泰國嘢, 又幾好食喎! 去攞埋月餅就返屋企啦, 返去沖好涼比柏仲玩陣就係時候食奶瞓覺, 子元睇埋套卡通就瞓! 我要摺番幾機衫, 睇埋新聞先瞓啦!