18/8/15

18/8/15   TUE   HOT

今朝老公睇住兩隻細, 佢下午先見工, 所以嫲嫲可以晏D出嚟, 用琴日餘下的錢去咗食北海道早餐, 然後我就返工啦, 返到去都係做吓自己嘢啦, 又寫吓仲仲的成長記錄, 午飯後睇吓電視咁啦, 下午都係做吓公事又做吓自己嘢啦, 後來skype吹吹吓水時講到點洗錢GE問題, 又令我我D不快, 我諗我係咪真係咁大洗呢, 去到睇戲食飯都唔得, 定係我隻佬失敗, 要老婆阿媽貼之餘仲要冇責任! 又開始鑽牛角尖, 咁啱老公見完工話喺美孚等我一齊返去, 咁期間咪同佢講吓囉, 重點都係佢要有份工先有得再計劃過! 但都真係要計劃吓究竟D錢用咗去邊, 始於對上嗰次一年多前做, 洗費而家又唔同哂! 回家後沖個涼陪吓柏仲, 因為子元瞓咗, 食完飯嫲嫲洗碗我抺地, 老公同咗子元去踢波, 等佢地返嚟柏仲又要一齊沖次涼, 餵埋支奶柏仲都暈! K.O.柏仲又到子元, 叫做要做番D作業又係到hea, 大半個鐘做得嗰一頁, 我唔爆你住, 比多日時間你, 9點幾就捉佢瞓, 跟住又係到hea到11點瞓啦!