25/8/15

25/8/15   TUE   HOT

今朝奶奶出嚟, 但柏仲都係7點多就起身, 所以我都係7點幾又要起身啦, 笨元已經一早起咗身喺到睇電視, 之後又走入房玩玩具啦, 嫲嫲嚟到我就返工啦! 買埋早餐就返去, 今日中午要過中總抽工展嘢, 咁就朝早做好自己嘢吹陣水先啦! 12點幾出門口, 去到IFC先買午餐上天台花園食, 本來想自拍吓架, 但人多多咁唔好意思! 食完就行去中總囉, 又叫人做D到但又遲開始, 好在我抽到第2個選位, 若唔係第一個選嚟選去咁, 我仲快搞掂, 由於仲有時間就喺IFC行咗陣先返去! 返到去都係hea同tea啦, 放工返屋企, 同笨元沖好涼等開飯, 我喺到襯有時間做吓類似push up嗰個運動練吓力啦, 點知仲仲係咁要爬上嚟騎住我, 比佢激死! 食完飯做打掃埋就得啦, 8點半K.O.咗仲仲, 子元就砌Lego, 佢開始發揮想像力將D零碎的組件結合埋變咗樣有意思GE嘢, 唔錯! 玩到9點半, 唔捨得瞓就拖慢D嘢嚟做, 又係迫人鬧佢GE! 終於K.O.埋佢, 我地繼續睇電視, 睇埋新聞就瞓啦!