8/8/15

8/8/15   SAT   VERY HOT*

星期六子元要乒乓球, 老公又要一齊出去食早餐, 結果咪一齊出去囉, 食完佢揍咗子元去學校先, 我帶咗仲仲上公司玩陣, 等老公揍咗子元先嚟接番佢! 咁我放工就買午餐返去食啦, 食完仲仲就醒, 餵埋飯佢食飯, 老公3點幾就出咗門口, 佢今晚又去飲又踢波, 好忙囉! 我就喺屋企睇住兩隻嘢, 子元狂睇咗6個鐘電視, 不過睇之前我趕佢做咗作業, 加上又冇街好去, 因為真係太熱, 如果唔係我都諗住帶佢地去公園行吓! 到6點幾就煮晚飯, 我最簡單就係煮意粉架啦, 今次用肉丸茄汁煮, 轉吓口味啦! 食完就同佢兩個沖好涼先, 到8點幾打暈咗仲仲我就可以沖涼, 比子元睇到10點就趕佢去瞓, 我就等到老公返嚟先瞓呢!