23/8/15

23/8/15   SUN   HOT

今日節目真係夠哂豐富! 約咗程生佢地去玩, 朝早又要畫班喎, 所以真係一早就要出去, 又要執嘢咁所以都遲咗出門口, 去到快食個早餐就上畫室後我地就去食早餐, 之後本來都係諗住行吓商場, 但我要去廁所, 大家就齊齊陪我返阿媽到去個廁所先再去接子元敏瑩, 去地鐵站等埋程太先一齊入東涌, 今日活動主力喺東涌, 先去機場睇一個叫航空探知館, 不過淨係要搵出嚟都已經唔少嘢, 同埋其實好細冇咩睇, 但最好係室內, 熱極有限只係行得遠啫! 睇完影吓相咁就找地方午飯, 真係餓啦! 餵咗少少飯比柏仲食咗佢就要瞓啦, 我可以輕鬆D咁食, 係子元煩囉, 成日打風咁, 冷靜D去做唔得GE! 食完飯就行番去撘巴士出番東涌去公園玩, 點知最想玩嗰隻火箭維修, 仲要因為曬到太熱玩唔到, 好在程生仲有plan B, 就係去隔離體育館的兒童遊戲室玩, 根本就係一個瘋人院啦, 任撞都唔怕GE! 距離清場仲有一個鐘, 玩到夠啦, 我地又有冷氣嘆非常好! 玩到5點幾散水返東薈城food court食晚餐, 又要搵位又要各自買嘢食等等, 都耐先食得完架, 所以食完就返屋企啦, 我係喺chickenduck買咗件polo裇比佢, 舊嗰D全部都唔啱著! 返到屋企第一時間沖好涼就打暈柏仲, 子元就要砌新買嗰盒Lego, 玩到10點幾先瞓!