21/8/15

21/8/15   FRI   HOT

今朝柏仲又晨早嘈醒我, 搞到我都好眼瞓, 梳洗好我就返工買早餐啦, 叫咗佢地唔準出去食呀, 屋企有麵! 返到去都係hea啦, 吹吓水無聊吓咁又食晏, 睇吓電視咁又夠鐘啦, 下午大老闆娘返咗嚟, 但老細出咗去開會, 見佢唔到好事! 食完tea就放工啦, 過去惠康會合老公佢地買餸買日用品, 天氣又變差喎, 又分頭行事, 兩個男人揍兩個細GE返去先, 我就去小童等佢地放學再換衫去泳池, 然後就返去煮飯啦, 今日子慧佢地又上嚟食, 要5個餸先夠, 密密煮咁冇時間沖涼呢, 程生落去接佢地上嚟後就沖涼開飯啦, 柏仲今日係咁要攞個碗, 於是比佢埋枱自己食又OK喎, 叻仔! 食完吹陣水要執嘢洗碗抺地, 仲仲已被daddy K.O.咗, 可以放心吹水, 三個細路就喺房玩, 差不多11點先走呀, 等佢地走咗我地先沖涼, 所以沖完hea吓又瞓覺啦!