12/1/16

12/1/16   TUE   COLD

今朝如常咁揍子元校車啦, 兩個合作的話, 其實可以趕得到, 最多係我樣衰D, 跟住返上樓執好嘢就出門口啦, 今日車程都順利, 入到去都早, 婷婷都合作, 仲扮喊呃我喎, 同佢地影吓相咁又入得學校啦, 今日仲同書記同一架小巴入去, 書記話仲仲喺學校好乖喎, 真係估佢唔到! 跟住我就返工啦, 今日返半日咋, 本來請咗下午返去同笨元溫書, 但而家大包揍仲仲放學, 阿媽可以同子元溫書, 咁我就返去做清潔啦, 雖然仲有唔夠一個月過年, 但真係冇咩時間! 但買埋飯返去食完又摺吓衫咁都3點半, 其實唔係好多時間做, 但都已經好努力咁執咗掉咗好多嘢, 都只係執得一邊廚房, 明天睇怕要繼續, 我仲想洗埋廁所添呢! 做到5點幾阿媽揍咗子元返嚟, 我就繼續做, 佢等埋仲仲返嚟, 切個細細的蛋糕啦, 其實係捲蛋, 本來諗住我和子元同阿媽切, 但佢想等埋柏仲一齊, 但我已經買咗件細, 冇辦法, 一人食少少囉, 佢等到差不多時間先走, 咁我煮好飯都開飯啦, 之後都係沖涼打暈柏仲等等啦, 想子元今晚早D瞓, 我都冇叫佢再溫常識, 應該冇問題吧! 今日我都好攰, 11點未夠已想瞓!

 

11/1/16

11/1/16   MON   COLD

今日子元開始考試啦, 本來請咗假下午同佢溫書, 因為阿媽又要揍柏仲嘛, 不過大包呢個星期放假, 可以揍柏仲放學, 咁我就可以唔洗請假! 朝早有點趕, 8:25先去到康傑門口, 程太要快閃, 所以婷婷好唔開心, 係咁喊, 不過都冇辦法, 都要習慣吓! 揍咗佢地入去我同老公去咗太興食早餐先返工, 因為佢今日要去上堂, 9:30才開始! 返到公司都係邊做公事邊做私事啦, 午飯去咗買飯食, 睇吓電視咁啦, 下午都係要做嘢, 放工準時走, 返去阿媽到揍番子元, 買餸回家煮飯食, 老公已揍咗仲仲返屋企! 今日仲仲喺嫲嫲到疴咗3次屎, 未入到屋企就賴咗尿, 真係夠哂好玩! 煮飯食完沖好涼先打暈柏仲, 再抺番地, 又比卷子元做, 跟住比佢玩咗陣先瞓!

10/1/16

10/1/16   SUN   COOL

今日如常咁8點上畫班, 但大家都好慢手慢腳, 結果9點先上到巴士! 咁揍咗佢我地就去食早餐呀, 買吓嘢睇吓嘢等等, 夠鐘就去接佢啦, 返到屋企快溫咗一陣英文, 老公就帶佢去踢波, 柏仲已瞓咁我可以睇住電視摺吓衫, 不過未摺完佢又已經醒, 好在肯坐定等我放好衫, 再坐巴士出去找佢地食晏, 咁啱幸福邨嗰消防局有示範做緊, 又可以睇吓先去食飯, 食完就返屋企繼續努力, 老公睇住仲仲先, 我同子元溫到咁上下佢就要入去買飯比嫲嫲, 咁我都放子元睇吓電視先, 到7點幾老公打嚟話佢而家先返出嚟, 不如喺出面食埋米線先回家, 咁我地推住佢出去囉, 由於有點亂, 出咗去先發現冇帶我自己個袋, 好在有帶電話, 就打比老公囉, 咁佢有錢有key就算啦, 食完去買埋雪糕食先回家, 返去沖好涼仲仲瞓先, 子元再要溫吓書做多少少練習, 我都11點到先可以沖涼, 真係攰爆! Hea陣都瞓啦明天又要早起!

9/1/16

9/1/16   SAT   COOL

今朝一揍二去送子元學體操, 之後食早餐啦, 然後攞番張八達通去畫室比敏瑩, 跟住冇地方去, 本來上想阿媽到但冇人, 咁我又想POPO喎, 再近D又有人的選擇就係阿嫲, 咁就上咗元洲啦, hea吓玩吓咁, 阿嫲又開心, 咁差不多時間就行返過去接子元, 撘巴士返到去, 原來老公已經返咗嚟, 真係太好啦, 咁佢可以睇住柏仲, 我就同子元溫陣書先, 差不多時間又要出發, 今次係去林醫生到, 講番上學期發生的事咁啦, 林醫生話都係standard 佢地呢類小朋友所犯的錯啦, 要教多D佢地德育方面GE嘢喎, 因為佢地唔係好明咩叫後果, 佢地係預算唔到, 所以先成日犯D唔應該犯的錯! 咁樣傾講一個鐘多D就收咗3600啦, 不過唔洗食藥又唔洗再特別治療其實已經算OK! 跟住就再去食d嘢先回程啦, 因為柏仲求先瞓咗冇食到, 食完再撘巴士返去, 我真係攰到瞓鬼咗, 醒嗰吓以為已經到旺角, 點知仲未過海, 柏仲又唔合作, 下次都係唔撘巴士, 太長途真係唔掂! 終於返到去都6點了, 快手同子元再溫書後, 7點幾又出街, 去咗荃灣行陣街食飯, 買咗D揮春咁啦! 回家後就快手K.O.咗佢地啦, 明天又要早起畫班!

 

8/1/16

8/1/16   FRI   COOL

今日得我一個朝早要搞掂哂兩個, 仲仲都早起身, 咁快手叫埋子元起身梳洗, 同柏仲換埋衫先揍子元落樓上校車, 跟住返上樓執埋嘢就出門口, 由於約咗程太喺學校門口等, 所以又唔洗專登出去撘44, 咁就照撘46X入去, 都趕得切交收婷婷, 但佢又係想喊咁囉, 有時真係搞到我好衰咁! 入咗學校我就返工啦, 今日都唔算太忙啦, 做吓公事又做吓自己嘢啦! 午飯後睇吓電視咁, 冇咩特別! 下午又要做我最唔願做的填表工作, 堅係攰呀! 好在準時放工, 因為要過去買定餸, 再去小童接更阿媽可以回家, 柏仲喺小童有嘢玩就好D GE, 接咗佢兩個就去換衫啦, 準時去到泳池, 佢地入咗去我就返上樓煮飯, 今日得3個大人食咋, 所以都唔係煮好多嘢, 柏仲又出奇地合作, 自己肯喺廳玩! 上到嚟子元沖咗涼先, 敏瑩就食咗飯先沖, 跟住佢地又係咁睇電視啦, 洗好碗先食咗蛋糕, 因為今日敏瑩生日嘛, 跟住先抺地, 柏仲又同婷婷一齊洗白白呢, 11點多佢地閃咗我先K.O.好佢兩隻嘢再沖涼瞓覺!

 

7/1/16

7/1/16   THU   COOL

今朝仲仲唔知係咪發夢, 周身唔自在咁, 又爬上我地床又爬番落去, 總之搞到我6點多就陪佢醒咗! 起身後諗住教佢去廁所, 點知點企都唔疴, 一出番廳就疴, 又一地都係, 馬上叫老公起身抺, 我又要蒸飯又要叫子元起身! 順利出到門口, 返上樓仲要梳頭執嘢, 其實都7:45出門口, 約咗程太喺巴士站等, 但佢話佢已經到咗, 嚇死! 好在我都趕得切啫! 老公今日要出差, 今次只係上廣州但都要3-4日, 咁我又要一拖二啦, 冇法啦為咗$! 揍咗佢地入去, 程太又係要早走, 婷婷本來都冇咩, 但入到學校除鞋時, 佢就開始喊, 真係估佢唔到, 連陳副校都話點解婷婷同柏仲調轉咗, 不過我覺得婷婷都係時候成長, 媽媽狠唔到心就等姨姨嚟啦! 睇吓柏仲出埋課室去廁所我就走, 剛好有巴士返工! 買埋早餐返去食, 今日都唔算好忙, 午飯食食吓大老闆娘就返, 真係食都食得唔自在! 下午老細只係返到樓下攞嘢比佢簽, 都好唔洗見住佢! 放工返屋企啦, 今晚阿媽喺到食埋飯, 因為老公唔喺到食, 佢可能怕我一個搞唔掂又煮又睇仔, 咁襯機佢就再同子元溫吓書, 我就邊揍住柏仲邊煮飯啦, 7點幾都食得架啦, 食完就比佢地玩吓, 8點半沖好涼就K.O.柏仲, 再比D數學子元做我先去沖涼, 今晚都放過佢因為我見婆婆都有同佢溫書, 咁我寧願佢瞓覺啦! 我就睇明珠有套講天才兒童, 都幾好睇架! 之後都係邊做家務邊睇電視, 睇到1點先瞓, 想自己真係好攰馬上瞓到, 因為得我一個瞓嘛, 掛住老公架嘛!