12/1/16

12/1/16   TUE   COLD

今朝如常咁揍子元校車啦, 兩個合作的話, 其實可以趕得到, 最多係我樣衰D, 跟住返上樓執好嘢就出門口啦, 今日車程都順利, 入到去都早, 婷婷都合作, 仲扮喊呃我喎, 同佢地影吓相咁又入得學校啦, 今日仲同書記同一架小巴入去, 書記話仲仲喺學校好乖喎, 真係估佢唔到! 跟住我就返工啦, 今日返半日咋, 本來請咗下午返去同笨元溫書, 但而家大包揍仲仲放學, 阿媽可以同子元溫書, 咁我就返去做清潔啦, 雖然仲有唔夠一個月過年, 但真係冇咩時間! 但買埋飯返去食完又摺吓衫咁都3點半, 其實唔係好多時間做, 但都已經好努力咁執咗掉咗好多嘢, 都只係執得一邊廚房, 明天睇怕要繼續, 我仲想洗埋廁所添呢! 做到5點幾阿媽揍咗子元返嚟, 我就繼續做, 佢等埋仲仲返嚟, 切個細細的蛋糕啦, 其實係捲蛋, 本來諗住我和子元同阿媽切, 但佢想等埋柏仲一齊, 但我已經買咗件細, 冇辦法, 一人食少少囉, 佢等到差不多時間先走, 咁我煮好飯都開飯啦, 之後都係沖涼打暈柏仲等等啦, 想子元今晚早D瞓, 我都冇叫佢再溫常識, 應該冇問題吧! 今日我都好攰, 11點未夠已想瞓!