19/1/16

19/1/16   TUE   COLD

今日話得12度, 所以都同佢地著夠衫出去, 不過柏仲好好瞓, 我揍咗子元上校車返上去佢都未起身, 結果趕唔到7:50班車, 但遲10分鐘班車就實15分鐘先入到去, 因為8點班車個司機渣得慢好多, 所以我趕到去程太就要即閃, 不一會都入得學校啦! 跟住又要超去荔天買書, 買完又要點齊啦, 然後再買埋早餐返公司食, 敏瑩嗰D lunch先攞去佢樓下管理處, 返得公司都九點幾啦! 午飯食完就去送書再買埋餸, 今晚老公又去踢波, 得我地3個食可以簡單D! 下午都係做吓自己嘢咁啦, 放工直接回家, 又書又餸咁, 返到去仲仲好痴身, 煮緊飯又要我抱, 我話我要煮飯呀, 結果佢爬廚房個欄, 中咗入嚟撞到個頭啦, 陰公豬! 6點幾開始煮, 係咁出出入入, 搞到7點幾先煮完! 兩個都算合作GE, 洗碗抺好地就同佢兩個沖涼, 再K.O.埋柏仲啦, 又再跟子元的功課呀等等啦, 9點幾10點先涼, 之後再有4機衫要摺, 摺到11點幾先可以hea吓, 老公差不多12點返嚟, 諗住等埋佢先瞓, 但因為佢要等覆個email, 所以我都係等唔到一齊瞓!