9/1/16

9/1/16   SAT   COOL

今朝一揍二去送子元學體操, 之後食早餐啦, 然後攞番張八達通去畫室比敏瑩, 跟住冇地方去, 本來上想阿媽到但冇人, 咁我又想POPO喎, 再近D又有人的選擇就係阿嫲, 咁就上咗元洲啦, hea吓玩吓咁, 阿嫲又開心, 咁差不多時間就行返過去接子元, 撘巴士返到去, 原來老公已經返咗嚟, 真係太好啦, 咁佢可以睇住柏仲, 我就同子元溫陣書先, 差不多時間又要出發, 今次係去林醫生到, 講番上學期發生的事咁啦, 林醫生話都係standard 佢地呢類小朋友所犯的錯啦, 要教多D佢地德育方面GE嘢喎, 因為佢地唔係好明咩叫後果, 佢地係預算唔到, 所以先成日犯D唔應該犯的錯! 咁樣傾講一個鐘多D就收咗3600啦, 不過唔洗食藥又唔洗再特別治療其實已經算OK! 跟住就再去食d嘢先回程啦, 因為柏仲求先瞓咗冇食到, 食完再撘巴士返去, 我真係攰到瞓鬼咗, 醒嗰吓以為已經到旺角, 點知仲未過海, 柏仲又唔合作, 下次都係唔撘巴士, 太長途真係唔掂! 終於返到去都6點了, 快手同子元再溫書後, 7點幾又出街, 去咗荃灣行陣街食飯, 買咗D揮春咁啦! 回家後就快手K.O.咗佢地啦, 明天又要早起畫班!