18/1/16

18/1/16   MON   COLD

今朝仲仲7點多起身, 但因為佢都遲咗, 所以要留喺屋企, 老公幫佢梳洗換衫囉, 我返上嚟佢先問我仲仲係咪冇底衫, 唉…男人就係咁, 咩都唔知喺邊! 順利出到門口, 8點多入到去唔洗趕! 跟住就買早餐返工囉, 今日都唔算忙, 朝早寫吓日記吹吓水咁啦, 午飯要出去買飯食, 之後老細都早返, 阻住哂! 下午都做吓公事啦, 夠鐘就放工啦, 行返去買餸就撘小巴返去啦, 仲仲瞓緊, 我仲可以收拾吓先, 到仲瞓醒我就要揹住佢嚟煮飯, 條友有D咳呢, 不過都係鼻水倒流影響! 煮得嚟7點幾食得, 子元今日都算叻仔幫到手揍住仲仲, 食完飯洗碗抺地, 老公就同佢兩個沖涼, 先K.O.仲仲, 再睇埋子元功課, 今日派咗3份卷, 中文89.5, 數學86, 常識92, 好滿意啦! 條友都係唔迫得, 要平時慢慢溫呢個方法先得! 搞掂佢地我就掛住睇新劇, 10:30先沖涼呢! 睇電視打吓機咁, 12點左右就瞓啦!