30/1/16

30/1/16   SAT   COOL

今日本來要請假架, 但因為老公琴晚返咗, 今日可以照返工啦, 揍咗子元去體操就買早餐返工, 都係做吓自己嘢, 又要整柏仲D相去曬, 再唔交相就比吳老師追! 本來柏仲話唔上嚟, 老公叫我落KFC找佢, 但最終都揍咗仲仲上嚟, 玩咗陣就走啦, 我都係要去買午飯, 仲仲慣咗買完嘢就要我抱, 真係手都軟! 但最終都係唔瞓, 不過落車後肯自己行返去都OK啦! 先打暈咗佢我先食lunch, 然後都係摺衫執吓屋咁啦, 老公揍子元踢兩轉波, 所以直接去嫲嫲屋企等, 仲仲瞓醒後同咗佢落去玩遊樂場, 淨係千秋佢都玩咗好耐, 同老公商量完就決定去買壽司入青衣食, 不過我要order定先再去曼坊攞, 但過程超辛苦! 加上仲仲又扭疴屎, 見到佢就辛苦但仲要比我揹住喎, 終於攞到外賣仲要撘巴士入去, 真係好好好攰先入得到去, 但柏仲仍然扭緊屎, 點都扭唔出, 老公嚟到, 子元沖涼, 嫲嫲就叫老公出去買金油條, 柏仲一用…即去, 疴得出佢都即刻生猛番哂! 食完壽司執吓嘢收拾吓8點幾就返去啦, 子元要睇Ironman, 反而我好眼瞓, 頂唔順11點幾就瞓, 冇理佢地之後點!