25/9/16

25/9/16   SUN   HOT

今朝就好似Uber咁, 其實都係去畫班啫, 但首先又要揍咗子慧, 然後就要去接埋程家, 跟住就同D細去食早餐, 上咗畫室又要過小童接番程太, 再趕過北海道食早餐, 因為Gloria攞咗位, 食完又趕番去長沙灣接畫班! 然後就返屋企先, 子元要做好視藝啦, 跟住要溫中默啦, 老公就瞓住咁嚟揍仔, 鬼叫佢琴晚睇波睇得夜呀, 但都要睇住個仔我先溫到書架! 點知仲仲叫我幫佢整玩具時, 佢攞咗我隻戒指唔知收咗去邊! 老公比我咁叫一叫醒咗啦, 問仲爺收咗去邊…梗係答你唔到架, 老公仲話我嚇一嚇到佢想問都問唔到喎, 頂! 最終咩櫃都揾哂, 都冇!! 已經打定輸數, 好傷心緊! 呢個時候老公就喺其中一個玩具箱找到了, 洗唔洗收得咁密呀仲爺! 終於relax番! 落去食午飯, 然後子元返去換衫踢波, 本來仲仲應該瞓覺, 但佢條友又唔肯瞓, 搞到我都冇得休息! 到6點多又到程生做Uber, 先車咗敏瑩嚟泳池, 我帶佢入去游水, 然後就入青衣要接番子元放足球, 阿sir好長氣, 6:30都未講完, 但我地都要早走啦, 因為要返去沖個涼再接番敏瑩放游水! 直返西九等佢地沖好涼就去晚飯, 老公7:45踢完, 趕得切出嚟一齊晚飯, 去咗食札幌拉麵, 都幾好食, 但仲爺唔好老脾搞到我好攰, 所以老公一嚟到就叫佢同仲仲坐, 我已經冇電! 食完回家啦, 沖好涼小朋友們唔該瞓覺, 我真係要休息, 悠閒吓睇電視就最舒服!

24/9/16

24/9/16   SAT   HOT

今日長周, 老細又返, 又話話嚟攞嘢, 所以都想早D返, 咁問老公係咪車我返去, 佢話係但我趕架喎佢又唔趕咁, 唉…激死我! 都叫做9點左右返到去, 點知老細又唔返咁早喎, 真PK! 之前講到一落機就返咁, 頂! 總之佢返來簽好嘢我就唔洗煩啦, 放工就閃了, 老公過來接我, 去附近食完同埋買番隻錶, 終於找到係防水之餘又唔貴的! 跟住就車我返去啦, 佢要同子元踢波, 我就同仲仲返去瞓, 不過喺車佢已經瞓咗, 咁我就忙忙碌碌咁做嘢啦, 到4點幾仲仲醒咗, 都肯自己玩GE, 老公回來後先要子元溫咗書先可以出街, 都係出去食飯咋, 本來諗住去奧海城, 但冇車位, 咁就出咗朗豪坊, 係想幫子元買過對涼鞋啫, 但竟然冇咩童裝囉! 朗豪坊都幾多嘢食, 我地一上就上咗頂樓, 見到有間skybar好似OK就試吓, 都幾有氣氛架喎, 啱飲嘢囉, 食物亦好好! 食完去睇吓間所謂lego專門店就閃了, 仲以為好大間, 原來都係流流地! 返到去都係沖涼瞓覺囉!

 

23/9/16

23/9/16   FRI   HOT

今朝都係如常咁返工返學啦, 不過仲爺實在太早起身, 搞到我地都局住全部早起咗, 咪早D出去食早餐先揍佢返學啦! 返到公司都係做自己嘢, 無無聊聊吓咁囉! 老細明天就返啦, 盡情享受埋今日的自由時光! 午飯後都係打吓機睇電視, 下午又睇吓旅行嘢咁啦, 老公話嗰個商場實在係大得緊要, 要玩真係有排玩! 放工去接子元快手回家換衫游水, 剛好7點落到去, 見到迪衡同忻僖都一齊游, 同may koon講開平時敏瑩子慧游完都會一齊上嚟食飯, 最後約咗下星期佢地都一齊上嚟食飯, 真係好熱鬧! 襯唔洗煮飯的空檔, 去咗超市shopping, 用咗$200買咗好多嘢, 好開心呀! 接番子元就去大窩口食泰國菜, 真係超好味! 食完就返去啦, 今晚都冇睇功課, 快手搞掂佢地瞓!

22/9/16

22/9/16   THU   HOT

今朝都係如常咁返學啦, 不過冇哂脆片食, 咁就揍咗仲仲返學先同老公一齊食早餐, 然後才返工! 返到去都係做吓公事做吓私事咁啦! 午飯後都係睇吓電視打吓機咁啦! 下午又係找旅行嘢, 不過搵得好攰囉, 要諗要睇好多嘢! 放工返去接笨元, 再回家煮飯, 覺得好攰好攰呀, 因為D嘢做極都做唔完咁, 煮好飯食完又要洗碗抺地, 抺好又要對功課溫書, 真係做到10點冇停過, 老公……仲仲瞓咗後佢都瞓咗喺梳化, 嗰吓真係有D唔開心, 佢話佢好攰…但我都攰囉, 你話嬲又唔係但真係覺得自己好慘, 摺埋衫, 已經12點, 幾鬼灰姑娘, 最早起身又係我, 最遲有得休息又係我!

21/9/16

21/9/16   WED   HOT+

今晚老公又唔返嚟食, 約咗同事食喎, 咁我地今晚就簡單D食粉! 講番朝早, 都係咁返工返學啦, 朝早都係做吓公事做吓私事啦, 午飯後快手過AEON諗住買脆片, 點知食開嗰隻冇做特價啦, 咁梗係唔買, 但出咗嚟又唔想返去住, 咪行吓十蚊店囉! 下午返去都係睇吓旅行嘢, 要開始plan行程, 其實要睇好多資料, 睇吓有咩啱玩, 時間配唔配合咁, 同sales開完會就再做番自己嘢, 放工買埋餸就接笨元, 阿媽話佢未做哂數學書, 咁都係GE, 一次過叫人做哂全課, 但又唔對唔改, 冇咩用架喎, 星期五又英默, 我寧願佢溫咗默書先, 數再分開做! 回家後佢唔係好合作, 又入唔到局溫默書喎, 老公揍咗仲仲返嚟就出去食飯, 所以又要顧住佢兩個又要煮飯, 都好係吃力, 子元又專心唔到溫書囉, 食得飯嚟做好家務都8點幾, 還要同仲仲做功課, 同佢地沖埋涼K.O.咗仲仲就到子元功課, 其實有時咁真係覺得好攰好分身乏術! 所以都冇再同佢默一次英文先, 只係睇咗功課就叫佢去瞓啦! 老公點幾都返咗嚟, 仲仲因為記住咗daddy泊好車就返, 所以入咗房一路都唔肯瞓要等到daddy返嚟! 終於搞掂佢地又到煩旅行嘢, 其實我真係堅持高雄嗰晚要住酒店囉, even精品酒店都可以, 唔想係旅舍嗰D, 差百幾二百我覺得可以住好少少! 睇吓又摺吓衫咁, 睇埋芉月要瞓啦, 但老公又話要去POPO, 唔理佢啦我好眼瞓!

20/9/16

20/9/16   TUE   RAIN

今日都係如常咁返學啦, 因為落雨, 仲爺又要攞自己把遮, 搞到我都唔多遮到囉! 揍咗佢地返學我就返工啦, 今朝都係做吓公事先, 跟住又諗吓旅行嘢啦, 下午又係做吓公事先, 跟住又找吓旅行嘢, 不過連酒店都未能book, 係咪真係OK GE呢, 定我平時D trip太早plan呢! 放工去接笨元入青衣, 因為老公打嚟話今晚要陪老細陪客晚飯做司機, 所以唔返嚟食又揍唔到仲仲, 咁唯有我地入去, 嫲嫲煮飯囉! 返到去先叫子元做埋少少功課, 食飯時仲爺例牌唔合作架啦, 我都冇眼睇! 8點多就打的回府, 好在落樓見到有的士, 馬上上車, 咁返到去都叫佢地快D沖涼, 同仲仲做埋功課就趕佢去瞓啦, 然後到子元睇功課, 改好埋就到我沖涼, 比佢休息一陣打吓機就溫英文, 然後梗係趕佢去瞓! 我就要摺衫等等, 老公11點幾都未返, 不過見佢終於覆whatsapps都安心D, 12點多先返到嚟, 我今晚終於冇瞓著, 睇到芉月了, 等老公沖完涼打陣機, 終於可以瞓啦!

19/9/16

19/9/16   MON   HOT

今日又要返工返學啦, 朝早仲仲扭計嘛, 咪唔帶佢落去囉, 後來老公話仲仲一聽到我關門聲, 就喊話媽媽唔帶佢落去, 好搞笑囉! 揍咗佢地返學我就返工啦, 今朝都好乖做咗好多自己嘢先, 唔可以再hea, 點都要整吓嘢! 不過午飯後又忍唔住喺到睇高雄D酒店, 但又要等埋晴晴家9月尾才覆到, 所以都係得個睇字, 到時仲有冇呢又唔知啦, 隨緣啦, 咁多酒店點都有選擇GE! 放工去接子元, 近來佢都算合作喎, 做好功課, 做唔做齊另計! 返到去就煮飯食飯洗碗抺地, 老公今晚去踢波, 不過踢10點, 所以起碼搞掂咗仲仲先出去, 我仲要同子元睇功課, 咁子元都好乖, 真係會幫手GE! 搞掂哂就沖涼啦, 再比佢玩陣機, 等我沖完涼就溫陣書先瞓, 我就要摺衫啦, 之後其實都好眼瞓, 所以電視劇都係瞓吓睇吓咁, 老公回來沖完涼, 到佢叫醒我先入房瞓!