7/8/17

7/8/17   MON   HOT

今朝子元要返荔天田徑, 所以7點幾就要起身, 但都係趕囉! 揍完佢我就去食個早餐先返工, 返到去本來都係想做吓自己嘢, 點知過去開會見到老細都喺到, 見佢喺到即係講廢話多, 所以講完正經嘢我就借D二閃咗, 一來返去做嘢好過聽佢講廢話, 二來我要打埋我D機呢, 午飯去買咗便堂食, 老細臨尾10分鐘都返嚟, 話知佢啦借D二又閃咗, 下午都係做吓公事做吓自己嘢, 放工返去揍笨元玩NERF, 等老公嚟接咗我地就去睇吓屋, 不過進度好似慢咗, 希望佢快手D啦, 我真係唔想再無家可歸咁, 尤其星期六日要出足一日街咁! 樓下撞到炮哥又吹咗一輪水, 夠鐘就去小童接番笨元, 再去食米線, 因為老公要踢波, 食完返屋企就幫手抺埋地先沖涼, 睇埋電視打吓機, 12點幾我先瞓!

6/8/17

6/8/17   SUN   HOT SUNNY

今朝都係揍佢地去學嘢啦, 已經8點就起身, 但老公真係好早, 因為佢要一早去攞咗車先! 買定麵包等子元食埋去畫室, 就去食嘢地方等埋程生程太佢地食早餐, 然後送埋仲爺去小童上堂, 再去畫室揍番子元敏瑩, 送咗子元去打鼓就返荔欣會合, 佢地上嚟睇吓屋, 跟住就去接番婷婷, 我地就接番子元, 等12點幾接埋仲仲就返咗青衣, 都係無奈地要返去, 因為實在太熱, 想入愉景灣玩嗰個滑水梯都唔得, 未返入去前我已經預計到我會發顛, 仲爺只要有嫲嫲存在嗰個空間就會咁, 想點就點, 又阻住老公畫圖, 好聲好氣同佢講又扭, 叫佢上床瞓又扭, 總之就係喊, 最終我頂唔住落咗去買嘢食, 返嚟食完嘢出街啦, 再困喺到係我顛! 最終只係去咗MEGA BOX咋, 都係行吓睇吓, 食埋晚餐先走, 點知笨元都係要激我, 又衝動倒瀉嘢囉, 我真係激到有D頭暈!

 

 

 

 

 

 

 

 

5/8/17

5/8/17   SAT   HOT

今日要返工呀, 子元又要田徑, 所以揍咗佢去運動場我就返工, 今朝想做多D自己嘢都冇, 因為又要幫子元整好個時間表等佢返去寫, 臨放工前子元佢地攞咗嘢飲上嚟, 但又搞搞震咁囉, 真係好激氣! 先去瑞士茶餐廳食午餐, 點知抄咗牌喎…頂! 送咗嫲嫲返屋企就去咗愉景新城, 都係行吓啫, 仲爺又話要玩又話要睇玩具咁, 好麻煩囉! 睇完玩具玩哂嘢就返去青衣食飯囉, 今晚好好餸, 冇仲爺阻住嫲嫲可以煮好多餸, 食完就返屋企囉, 返去睇人猿呀!

4/8/17

4/8/17   FRI   HOT

今朝子元打籃球, 食咗個麵一齊行啦, 籃球個場係最近最順路, 揍完佢返工啦, 都係要開吓會咁, 都有嘢做架! 午飯後都係睇吓電視啦, 老細返咗嚟又同佢D手下開會啦, 好在冇叫我長註嚟開啫, 因為阿媽黃昏要去剪頭髮, 我要找藉口逃走, 於是就話出去金都confirm埋個請帖! 咁出咗街可以帶住笨元都得嘛, 去到都係比部機佢玩我做嘢囉! 搞掂就去買埋防曬, 又帶佢去食吓炸大腸先撘巴士返美孚上合唱團! 老公嚟接咗我先, 本來諗住去睇吓間屋整成點, 但見好似搬緊我地張床時, 都無謂阻住人地做嘢, 所以就入青衣接嫲嫲同仲爺先, 再返小童接笨元, 晚餐去咗食粥, 車埋嫲嫲回家先到我地, 因為老公又要出旺角踢波! 返到去都係沖涼睇電視啦, 笨元睇完星星都瞓啦!

3/8/17

3/8/17   THU   HOT

今日起身都係揍子元返荔天田徑啦, 點知原來教育署出咗停課, 唔想上喎, 頂!!! 馬上打比阿媽叫佢過來攞開報紙攞埋子元走囉, 我就買埋早餐返去食住等! 今日終於唔洗開會可以做吓自己嘢啦, 午飯後都係睇吓電視, 差不多兩點老細就返咗嚟, 2點幾又叫人過去開會, 開Annual Dinner喎, 一開又兩個鐘, 真係好浪費人時間! 放工即閃, 過咗小童接子元, 直接返青衣食飯, 食到一半仲爺先起身, 等大包返來食埋飯, 嫲嫲本來叫老公買糖水返嚟食, 但最終全部人一齊出去食嗰間新嘢, 食完我地就自己行返去, 沖完涼睇埋繼承者大結局, 12點睇埋嫉妒的化身就瞓!

2/8/17

2/8/17   WED   HOT

今日子元開始打籃球, 9點前就揍咗佢去室內運動場啦, 跟住就返工! 本來朝早都係開吓會架咋嘛, 點知同余記開完會仲要落去飲茶, 真係勁唔想囉, 基本上一個上午冇哂! 下午返嚟都係做吓自己嘢, 老闆返嚟咪比佢簽吓嘢囉, 放工就閃啦, 返到去笨元瞓咗, 老公到咗叫醒佢落樓啦, 真係拖隻豬落去咁, 最好笑係食完飯回來時, 佢叫我睇吓已經鋪哂床褥呀….我求先喺到瞓晏覺呀! 我咪話我梗係知啦, 唔係求先邊個返嚟帶你落樓去食飯呀? 好明顯佢求先瞓到離魂咁囉! 講番老公嚟接我地, 跟住接埋嫲嫲就返荔欣望吓, 都未有好大進展! 趕番小童接仲仲啦, 姑姐本來接咗佢落樓架啦, 但仲爺又話漏咗貼紙, 要返上去攞, 問佢時佢答得好鬼井井有條架喎, 問佢漏咗喺邊, 佢話喺上面, 再問佢喺上面邊到, 就話: UM…我諗吓先, 呀…喺張櫈到! 我聽完真係覺得好好笑! 去AEON食COCO, 然後老公就揍兩個細, 我就同嫲嫲大包去超市shopping, 買完又去買番個飯壺比子元啦, 最後我仲執咗件泳衣$50咋, 但…返去試咗又好似唔多啱!

1/8/17

1/8/17   TUE   HOT

今日都係如常咁起身揍子元去學嘢啦, 今朝係學田徑, 食埋早餐出門口, 9點剛好去到運動場啦, 等佢自己搞掂啦我要返工! 不過今日都冇咩趕忙, 都係有嘢就做冇嘢就hea! 午飯後睇吓電視咁囉, 下午本來都冇咩嘢, 不過收到電話, 大老闆娘入咗院, 明天應該飛唔到架啦, 所以要處理改機票嗰D嘢囉! 放工準時閃, 去球場接番我隻小笨元, 買定麥當勞包包同保礦力比佢, 抺完身等老公嚟接我地返青衣食飯, 同仲爺玩吓咁啦, 8點幾閃啦, 返咗長沙灣老公又話食糖水, 所以又食埋先返去都差不多10點, 沖埋涼睇電視摺衫, 子元11點幾都瞓啦, 我就打機打到12點幾囉!