22/2/14

22/2/14   SAT   COOL

星期六要返工真係好唔慣, 真係好想法例規定5天工作! 計過條數, 唔想柏仲咁早走出街, 於是老公喺屋企搞掂隻蕃薯, 我揍笨元去畫班, 仲可以食埋早餐, 咁老公夠鐘先去揍笨元! 返去沖好涼食埋奶就嚟接我放工啦, 然後去食KFC, 老公就揍笨元去踢波, 我就揍番蕃薯返屋企, 好在返到去都肯瞓, 我摺好洗好幾機衫同抺埋地, 係4點多捉佢起身食奶咁啦! 6點幾收拾好就出門口, 但由於時間關係都撘咗的士, 約咗程生佢地一齊晚飯, 試吓聚客居原址間新嘢, 實冇聚客居咁好食架啦, 試吓先啦! 柏仲瞓足全程, 我地食完仲去咗麥記食雪糕, 返得屋企都九點多, 所以柏仲都遲咗食奶, 餵完佢又再瞓, 我地先沖涼啦, 由於我地兩個都已經好眼瞓, 又見柏仲9點幾先食奶, 不如試吓唔再叫醒佢食, 睇佢幾點再叫食, 反正明天星期日, 可以博吓!

 

 

21/2/14

21/2/14   FRI   COLD

如常咁起身返工返學啦, 又係要捉3隻仔起身, 柏仲食奶都係一般啦, 今次我換埋衫先餵, 咁樣心理上好D因為食完就可以即刻行! 老公撘42揍柏仲去嫲嫲到, 我就同子元去撘41A啦, 啱啱好趕得切巴士, 返到去仲好早, 第1次排第一呢! 見Apple應該要揍二哥撘校車, 就幫佢揍善孜入去, 之後我都閃人, 咁啱靜瑜媽媽又出美孚就一齊撘巴士, 買埋早餐返公司食啦, 之後都係做吓公事又做吓私事咁啦, 午飯後去咗銀行入埋票同錢又再行吓街先返去, 反正電視又唔係咁好睇! 下午都要做公事啦, 時間都過得好快, 食埋tea又放工啦, 好快返到去見笨元做緊功課, 好安慰呢! 原來嫲嫲都出咗力局佢做功課, 好事呀! 最後只欠中文生字及工作紙, 完成埋食飯仲要餵埋奶就閃啦! 嫲嫲又比錢我地撘的士咁咪撘囉, 出到去都差不多8點, 程太佢地已到, 咁交埋錢等等就去食飯, 我地又食多餐, 因為嫲嫲今餐煮得好少嘢呢, 所以嚟緊星期五都係叫佢出嚟方便D, 就算唔出, 都唔洗煮我地飯, 佢同笨元簡單D食就得, 反正我地出到嚟會再食! 程生趕到我地都係啱啱開餐啫, 食吓吹吓水咁夠鐘又去接番佢兩個就回家啦! 返到去蕃薯仲係咁瞓, 用咗敏婷條揹帶又OK喎, 蕃薯可能以為仲比我揹住! 一路瞓到11點幾都唔知醒食奶, 所以回家後那段時間好靜, 可以陪笨元玩埋講埋故事陪吓佢再做自己嘢, 咁11點幾捉隻蕃薯起身食奶, 比佢坐到12點幾先放落床, 係有D聲同埋未瞓架, 不過冇喊就唔理佢啦, 我地都好快瞓著囉!

20/2/14

20/2/14   THU   VERY COLD 9度

今朝如常一早起身梳洗完捉三位起身, 搞掂笨元起身我就可以餵柏仲, 都食得唔係好合作架啦, 但都叫做食哂啦, 叫老公掃住風先, 我可以去換衫嘛! 都準時出到門口, 今日老公一齊揍笨元入去, 佢先再揍柏仲去嫲嫲到, 我就返工啦! 買埋早餐返到去都仲好早, 今日除咗做私事, 都要做商會D嘢啦, 仲有唔夠一個月就係, 但好似好多嘢都未做咁, 雖然年年都係咁上吓, 都做到慣哂, 但始終d人未覆嚟唔嚟係咩都做唔到囉! 午飯後都係睇吓電視啦, 下午做公事做到差不多5點就hea吓先啦! 放工閃人返去睇吓我兩位少爺, 笨元要做珠心算但做錯哂, 要係咁督住佢做, 所以都未得閒理柏仲, 等食完飯先睇吓佢, 由於4點先食過奶, 又怕夾唔啱班車的時間返屋企, 最終餵埋奶先返去, 但食得衰衰咁! 返到去沖好涼先, 柏仲冇咩嘈喎, 於是我就同笨元溫書搞掂D嘢瞓覺先啦, 跟住我好眼瞓咁喺梳化瞓咗, 11點幾老公話餵奶我先醒, 但柏仲食得衰不得止, 終於食哂時, 佢全部獲利回吐番哂出嚟, 佢嘔完又再瞓啦, 但我地就做餐死囉, 好在我經過教訓後已經醒, 唔會有機會比佢吐到喺梳化, 只係抺地簡單好多! 到我地睇完建元風雲後入房, 聞到佢連屎都疴埋, 咪換埋片先瞓囉, 佢有發出d周身唔自在咁GE聲, 但好快都瞓咗, 冇理佢啦!

19/2/14

19/2/14   WED   VERY COLD9度

今日各自揍一隻仔入青衣, 蕃薯食完奶就疴屎, 比佢搞到好趕囉, 好在今日有D雨, 所以巴士都遲咗, 咁我地去到車站都仲要等巴士先到! 笨元入咗學校我都返工啦, 啱啱有巴士所以出到公司都係9點, 仲可以慢慢買埋早餐! 朝早做好自己嘢都要做公事, 因為下午好多會開, 不過都有skype吹吓水! 12:30同忽周午餐會, 因為佢成日想我地參加多D嘢, 係都要見, 咁總監都要一齊應酬吓佢, 食咗佢一餐就回來同老細開會, 都係老細講80%都係廢話, 20%先值得記錄嗰D啦! 總監自己請咗個sales & marketing的人, 要同佢交流吓資料咁啦, 希望佢唔係嚟取代我架啦! 食埋tea就等收工啦, 不過我而家真係唔多受得D奶類, 飲咗個好奶的台式飲品後, 撘地鐵時嘔囉, 真係好尷尬, 搞到D衫都係嘔味一路都好唔自在! 今晚約咗wancy昌昌佢地食韓燒, 先同wancy行咗陣街諗住買過把遮架, 但snoopy嗰間好貴呀, 又冇款選擇, 所以都係冇買到! 昌昌到咗就上去食嘢啦, 個半鐘任食的韓燒, 都OK啦! 食完再去咗義順食甜品, 跟住就回家啦! 返到去笨元仲未瞓, 蕃薯就要人哄住啦, 等我沖咗涼搞掂哂嘢先同蕃薯玩, 11點已頂唔順要食奶, 咪食哂6安囉, 不過放上床就喊, 等老公的神之手哄咗陣就瞓啦, 雖則12點幾有再喊, 但都係拍幾吓心口就瞓番, 算佢啦!

18/2/14

18/2/14   TUE   WET

今日我要揍哂兩隻嘢入青衣, 因為老公有嘢做, 六點幾已出咗門口, 好在今日蕃薯都合作食奶食得好好, 加上程生渣車, 所以好早又好方便咁就返到學校, 佢地載我地入去, 我就幫佢揍個囡返入學校, 互相幫助呢! 揍咗子元返學我又要揍柏仲去嫲嫲到, 好在今日係揍去屋企, 因為嫲嫲睇錯鬧鐘, 以為仲係7點幾, 咁我放低蕃薯就返工啦, 買埋早餐返去都未夠9點半! 今日都多嘢做, 要做番哂d Report, 午飯後都仲做緊, 都好ge, 老公係到有嘢做吓比佢睇嘛! 食埋tea又放工啦, 返到去老公已返到啦, 蕃薯就有d聲氣咁啦, 不過我要先搞掂笨元溫書, 食埋飯7點多就餵柏仲食奶啦, 今餐又算食得唔錯喎, 所以好快食完就可以上去撘巴士回家! 返到去蕃薯都喊架, 但我地又要沖涼等等, 都唔可以係咁陪佢住, 由得佢先囉! 沖好涼老公就照顧蕃薯同佢玩, 我就照顧笨元要溫習, 9點半前瞓覺啦, 之後我仲要摺埋兩機衫, 到10點幾先可以停, 隻蕃薯又喊到拆天, 咪抱吓佢囉, 到11點多食埋餐奶就瞓啦, 點知今晚成日發夢, 2點又嘈4點又嘈, 老公哄過都係喊, 我地放棄由得佢喊啦, 喊陣咪瞓囉!

<柏仲開始識食手仔啦!>

17/2/14

17/2/14   MON   COLD

正式返工啦, 唔捨得都要捨得! 朝早6:45就起身, 梳洗完叫咗笨元起身, 就叫柏仲起身食奶, 最終趕得切7:50就出到門口, 剛好41A埋站我地就到, 我揍笨元老公就揍柏仲, 入到去笨元係咁跑, 真係幾失控, 我都要話吓佢先得啦! 入咗去我都早D閃人啦, 返得公司都未夠9點, 慢慢買埋早餐返去食啦! 第一日返工都幾多嘢做, 朝早執番好D文件, 下午又開始做其他嘢, 好似好多嘢未清咁, 午飯買大家樂咋, 老細冇返可以輕鬆D咁去做啦, 話咁快又5:30閃人, 返去睇我隻蕃薯仔! 返到去笨元只係掛住睇ipad, 要諗吓辦法管制吓先得! 同蕃薯玩吓又同笨元玩吓, 老公返嚟就開飯啦, 點知嫲嫲個新飯煲有問題, 煲生米搞到冇飯食, 唯有煮公仔麵, 笨元因為老公揍放學冇食tea, 所以勁快食哂又食得多! 我就餵埋蕃薯先有得食, 由於食完飯已經夜, 最終撘的士, 返到去沖好涼要K.O.笨元, 仲要溫埋書先可以瞓, 跟住又等11:30餵柏仲, 我又勁攰喺梳化瞓陣先, 餵完睇咗少少建元風雲就瞓, 蕃薯有少少回奶啦, 好在喊咗陣都冇嘈!

16/2/14

16/2/14   SUN   COLD

今日節目豐富呀, 攰到爆! 朝早7點幾蕃薯叫食, 咁佢食完到我同笨元食早餐, 跟住叫老公起身, 我就要執出一日街GE嘢啦, 好怕帶漏嘢呢! 本來諗住10點出到門口可以撘巴, 但最終10點幾先出到去, 咪唯有撘的士囉, 又早咗到喎, 企咗陣先入得去, 不過嘢食都一般般啫, 大家慢慢先到齊, 邊食邊等啦, 我都食咗好多嘢呀, 食到2點幾真係要走啦, 大包帶笨元去咗反斗城行咗個圈先走! 到咗mega box.先食奶, 然後上13樓搞阿休嗰場大龍鳳, 不過等咗好耐呢, 兩個路都算係咁大都叫做合作, 送埋花就可以開始任食嘢啦, 我地好似點得幾多吓, 食到7點幾走人啦, 蕃薯又要食奶, 回來後馬上同佢沖涼食奶, 之後執好嘢搞掂就等佢下一餐囉, 好攰! 明天開始要返工啦, 真係唔捨得我個長假!