24/7/17

24/7/17   MON   HOT

今朝瞓到8點幾先起身, 咩人都唔洗理淨係理自己就得, 但都搞到9點先出到門口, 因為要prepare埋子元要做的練習呢! 返到去都係要開會囉, 開開吓老細又返咗嚟阻住哂! 要寫番兩日日記都寫咗好耐, 午飯買咗米線, 老細返咗嚟所以都冇過去食, 喺呢邊一邊打機一邊食幾自在! 下午都要做嘢, 好難得今日咁忙呢! 放工返去接笨元過小童打NERF, 等老公嚟接我就返去睇吓間屋先, 都唔係整多咗好多嘢, 希望佢跟緊D進度啦, 木工油油安廚櫃都好多嘢架, 佢仲有3星期就要起貨比我架啦! 之後去吓銀行買吓嘢咁已經夠哂鐘接子元, 入青衣食飯, 返到去仲爺瞓咗, 放咗佢入房佢繼續瞓我地就食飯囉, 到9點幾走啦仲爺都未起身, 咁都冇法啦冇得同佢玩啦! 老公車我地返去再買糖水返去比嫲嫲呢, 我地沖好涼就摺衫呀等等啦!

23/7/17

23/7/17   SUN   3號/8號風球

今朝較咗鬧鐘8:15, 點知老公8點就打嚟話8號風球, 吓!!!唔係呀嘛, 咁今日full schedule的活動點算! TC SIR打嚟話camp取消, 朝早仲仲小童D班天取消, 咁老公話佢出嚟接我地, 於是咪起身換衫囉, 都好唔洗困住喺屋企! 食完早餐就去咗奧海城買飛1:15睇cars, 然後只可以返青衣, 都困獸鬥咗2個鐘, 夠鐘就出去奧海城睇戲, 仲爺初頭都肯坐好睇, 之後成日問點解咁耐都未做完, 點知睇睇吓就瞓咗, 所以一路抱住佢睇囉, 都好GE靜D! 不過睇到尾賽車環節, 我地買嗰D櫈係會郁, 唔知係開錯咗定點, 竟然郁喎, 我呢個大鄉里就麻麻地啦, 子元就玩得好開心, 仲爺就瞓咗咩都唔知! 揍咗佢返青衣放底比嫲嫲, 我地就快食咗個麥當勞, 再去青衣站買書展飛, 再渣車過灣仔同佢地會合, 佢地撘地鐵經天橋過塞咗好耐先到, 反而我喺碼頭嗰邊行過去就暢行無阻, 唔遲佢地好多入到場! 開頭我都係孤軍作戰, 根據自己個list嚟買, 幾間大鋪都排好耐, 有D買一兩本的就分頭行事買, 有成本效益D! 子元同老公都入咗嚟就叫咗佢地去新雅買子元的圖書! 作戰完幾個鐘, 我竟然買咗36本練習, 我都諗緊我係咪真係做到咁多, 但如果配合到的話對佢都好, 佢係受呢個方法GE, 咁我亦買咗佢鍾意睇的漫畫同故事書都好平衡呀! 買咁多佢做其實我都要好努力, 唔係掉堆習作比佢就得! 冇辦法啦四年級下學期成績表已經要見人, 冇得唔勤力, 真係自己讀書時都冇咁勤力! 散水大人就撘地鐵, 細路就跟我地車返長沙灣食晚飯, 車哂D人返屋企先, 子元今晚都返青衣瞓, 因為諗住佢今日去camp嘛, 明天婆婆可以off架嘛, 所以佢約咗人出街! 放咗子元比老公, 我今晚就好Free啦, 12點幾1點先瞓!

22/7/17

22/7/17   SAT   HOT 1號風球

今日長周要返工, 諗住明天子元才學畫, 所以佢朝早冇嘢做, 阿媽OT! 咁我都係買早餐返工啦, 最後組織吓明天去書展買書D嘢, 同埋都有嘢做呀! 放工同老公約咗喺美孚等, 要接番子元, 因為阿媽去咗打牌, 要帶埋子元去一陣等我地接番! 老公攞咗cube cube去打立, 所以今日都冇車坐! 揍咗子元就去食咗午飯先, 然後就撘巴士出旺角買門鎖, 都行咗一輪先買啱呀, 咁子元5點就要游水又冇攞衫, 所以撘巴士返去攞跟住佢有佢游水, 我同老公就去咗葵芳, 先同整木門的鋪頭溝通好, 跟住就去咗葵廣行街, 我仲買3件衫, $50/件咋喎, 抵到咁唔買唔得啦嘛! 差不多7點去接番子元, 老公就去攞番架車, 再入青衣接埋嫲嫲, 去咗荃灣食日式放題, 超好食囉, 食完仲咗一輪夾公仔嗰間嘢! 返到去仲要叫子元執明天去camp D嘢, 攰死!

21/7/17

21/7/17   FRI   HOT

今日最後一日返聖經班啦, 今晚又可以回復正常, 仲爺喺到過夜真係好攞命, 唔停咁周圍搞, 我根本冇得休息! 朝早梳洗完揍咗佢地返去就買早餐撘巴士返公司食啦, 然後都係開會呀咁囉, 跟住都有做嘢GE, 午飯後都係睇吓電視咁啦, 下午老細都冇返嚟, 最好啦唔好阻住! 放工返去接笨元去合唱團, 等程生過嚟車, 子元瞓咗所以叫醒佢之後都係呆呆滯滯! 等老公去小童接我, 就上荔欣睇吓裝成點, 廚房磚都已經鋪好咗, 已經間緊子元同仲仲個房, 都真係好快! 睇完就返小童接笨元同敏瑩, 送咗敏瑩返屋企我地就返青衣食飯, 食完飯同仲爺沖埋涼, 9點幾老公就車我地返去, 跟住都係沖涼休息啦!

20/7/17

20/7/17   THU   HOT+

今日又係要揍哂兩個去浸信會上堂, 婆婆冇煮早餐所以去咗買麵包邊行邊食囉! 揍咗佢地入去我就買埋早餐撘巴士返公司, 因為太熱咁行法真係冇命! 返到去不久深哥就上嚟要開雜用, 所以個早餐攤到差不多10點先食, 陰公! 今日老細們去哂澳門, 冇人會煩我地! 做吓公事又做吓自己嘢, 午飯後去咗AEON幫子元買球拍, 因為明天要學羽毛球嘛, 老公又話借拍咁最終又係冇咗回事, 我咪去買囉! 返到嚟都係做嘢架啦, 5點收到子元電話, 原來阿婆帶錯咗佢去學校, 但其實係去小童學嘛, 唉……! 咁好啦6點放我就去小童接佢啦, 直接入青衣食飯, 條友之前問佢又唔講話喉嚨痛喎, 8點幾先嚟話痛, 搞到我又要飛的出去又要叫藥房等埋咁, 真係好麻煩! 返到去我又係燥底咁, 好多嘢要搞好多嘢要做, 但做起上嚟又唔順暢, 所以好炆! 最終安頓好佢地我沖好涼就等老公嚟找我食糖水, 本來想只係我地兩個落去食, 但11點佢地先肯熄燈瞓, 笨元即瞓著啦, 但仲爺唔得, 本來留佢喺屋企算, 但最終老公都係話帶埋佢落去喎, 怕佢喺屋入面搗亂! 咁食完返上去一陣都瞓啦, 差不多12點啦喎!

19/7/17

19/7/17   WED   HOT

今日要揍哂兩個去浸會上宗教班, 可能琴晚瞓得唔好, 佢兩個都唔願起身, 叫得佢地嚟食埋早餐都8:40先出到門口, 去到子元又唔等埋個細佬就走咗入禮堂, 好在仲爺都醒目, 自己行到入去識先搵咗哥哥, 等哥哥帶佢去K2的坐位啫! 行得返公司都好攰吓, 明天真係要考慮撘車! 做吓自己嘢開吓會, 整吓Annual Dinner D嘢, 午飯後都係hea吓啦, 但老細又早返, 好在冇追劇啫, 實比佢阻住! 下午D老細咪又繼續開會, 我就再做自己嘢囉! 放工直接入青衣, 因為嫲嫲中午時已經接埋子元去飲茶, 但點知我冇同陸生講, 佢去咗阿媽到接我, 而我又完全忘記咗仲仲今日喺小童有堂上, 我真係好炆自己點解咩都唔記得哂咁, 莫非真係裝修裝到D嘢亂哂! 咁係咪都miss咗啦, 唯有下星期再上囉! 食完飯食埋糖水就返去啦, 揍埋佢兩個返去一路到瞓都好攰, 仲爺又係咁搞搞震, 真係想快D搞掂間屋!

18/7/17

18/7/17   TUE   RAIN 黃雨

今日都係揍子元去浸會上宗教班啦, 瞓到8點先起身, 由於婆婆冇早起, 所以落樓買包比佢食算, 落住大雨咁行過去都幾濕吓, 跟住仲要行返公司, 夠哂運動! 買埋早餐返上去食, 做吓公事做吓自己嘢咁, 難得諗到要組織吓書展要去掃咩練習, 要做好個攻略真係唔易架, 不過到時都係分頭行事多架啦! 放工老公出咗嚟買嘢所以可以嚟接我, 返去接埋笨元就入青衣, 攞埋仲爺的家當就走人啦, 去愉景新城食飯, 仲要去埋夾公仔呀咁啦, 當然係滿載而歸架! 仲爺跟埋我地返去, 真係好攞命囉! 返去執好嘢兩隻細先沖涼, 跟住阿媽睇住佢兩個, 到我沖埋涼先啦, 由於屋內其實唔合適仲爺發顛, 所以佢其實都幾慘, 但冇辦法啦! 開住電視同燈佢唔肯瞓係正常, 所以11點睇完繼承者就閂燈閂電視, 笨元轉個眼就瞓咗, 但仲爺喺梳化到郁嚟郁去, 郁咗大半個鐘先叫做瞓入眼, 最慘係我, 我都唔瞓住架啦, 打住機等佢瞓著先, 但每打一鋪就要去移番正佢, 到半夜又喊醒, 原來佢已經瞓咗落阿哥隔離, 要搬番佢上去再哄番佢, 子元又係咁轉身過嚟, 總之就搞到我冇覺好瞓啦!