20/7/17

20/7/17   THU   HOT+

今日又係要揍哂兩個去浸信會上堂, 婆婆冇煮早餐所以去咗買麵包邊行邊食囉! 揍咗佢地入去我就買埋早餐撘巴士返公司, 因為太熱咁行法真係冇命! 返到去不久深哥就上嚟要開雜用, 所以個早餐攤到差不多10點先食, 陰公! 今日老細們去哂澳門, 冇人會煩我地! 做吓公事又做吓自己嘢, 午飯後去咗AEON幫子元買球拍, 因為明天要學羽毛球嘛, 老公又話借拍咁最終又係冇咗回事, 我咪去買囉! 返到嚟都係做嘢架啦, 5點收到子元電話, 原來阿婆帶錯咗佢去學校, 但其實係去小童學嘛, 唉……! 咁好啦6點放我就去小童接佢啦, 直接入青衣食飯, 條友之前問佢又唔講話喉嚨痛喎, 8點幾先嚟話痛, 搞到我又要飛的出去又要叫藥房等埋咁, 真係好麻煩! 返到去我又係燥底咁, 好多嘢要搞好多嘢要做, 但做起上嚟又唔順暢, 所以好炆! 最終安頓好佢地我沖好涼就等老公嚟找我食糖水, 本來想只係我地兩個落去食, 但11點佢地先肯熄燈瞓, 笨元即瞓著啦, 但仲爺唔得, 本來留佢喺屋企算, 但最終老公都係話帶埋佢落去喎, 怕佢喺屋入面搗亂! 咁食完返上去一陣都瞓啦, 差不多12點啦喎!