5/7/17

5/7/17   WED   HOT

今日請咗一日假, 梗係要用盡佢啦, 朝早7點幾起身啦, 同笨元去咗食早餐先, 等老公揍咗仲爺返學就過嚟接我地去, 去奧海城買飛睇變形金剛, 2個幾鐘其實都幾長, 但都算好睇GE, 起碼比起上一集好! 睇完就趕返美孚, 老公要去銀行, 我就帶笨元去大家樂食D嘢先, 子慧都落埋嚟先, 等老公搞掂就接我地再去長沙灣接埋另外兩位小姐, 就過九龍公園啦! 去到放哂佢地去排隊, 我都要搵番義工家長集合, 有得做都幾好喎, 可以好前線咁睇佢地又影吓相咁啦, 我選咗起點位咁啱子元有第8線嘛, 但原來第8線係冇咩做, 因為長期都冇人游! 終於等到子元嚟啦, 點知條友搵唔到泳帽泳鏡, 只係問人借咗泳鏡, 咁佢就因為耳仔入水佢就泳唔到囉, 真係唔知好嬲定好笑! 我話佢知佢D嘢喺袋架找清楚啦, 最終咪找到! 咁50米開始前我地有break咪去看台找找佢囉, 點知佢第一時間同我講佢唔想游, 結果又要用買LEGO嚟利誘佢先肯囉, 但今次有帽有鏡佢都係唔可以順利游哂, 黃sir同Miss Mak都已經比咗鼓勵佢架啦, 咁佢都叫做去到終點唔洗人救囉, 只係人地分牌都冇等佢就去咗下一版囉! 之後佢都好down呀, 呢D咪學習面對失敗GE時候囉! 終於散場啦, 落住大雨咁送哂3位小姐回家, 我地都去接埋仲爺去荃灣剪頭髮, 仲爺都係點勸都冇用, 都係要用武力, 剪完扭到塊面D血管都爆哂, 但佢又識走去問Ann攞氣球喎, 吹漲! 去食埋燒味飯就閃, 因為仲爺有咳有鼻水, 荃灣又配唔到藥比佢, 所以返長沙灣買! 返去沖涼瞓覺啦, 我今日都好攰, 走嚟走去咁其實都好攰!