7/7/17

7/7/17   FRI   RAIN

今日瞓到8點呢, 因為過咗觀塘攞嘢先再返公司, 可惜冇巴士過去始終要撘地鐵, 好在回程時可以撘巴士, 舒服好多! 返到去都係開吓會咁先, 午飯後就睇吓電視, 下午都係hea吓啦, 冇咩特別, 係早少少閃人去金都攞annual dinner的請帖sample囉, 本來想望吓金都D衫, 因為呂太sponsored我地每人2000蚊買annual dinner套晚裝! 但金都D衫實在太結婚feel, 完全唔掂! 難得出到太子, 就去始創望吓D snoopy啦, 又去食咗臭豆腐炸大腸咁先返去泳池接子元, 跟手就去小童啦, 今日無家可歸呀, 唯有喺小童等, 老公揍咗嫲嫲同仲爺出嚟, 就上埋嚟小童等, 仲爺可以喺小童玩, 見佢同D小朋友亙動真係好得意, 等笨元合唱團完就去晚飯, 嫲嫲話食粥咁就去食粥啦, 8點半前返得切屋企睇射鵰, 落車後笨元同仲爺又依依不捨咁, 平時就唔好成日打架啦! 返去睇電視沖涼做吓sit up, 我就12點多先瞓!