9/7/17

9/7/17   SUN   HOT

今日係揍仔學嘢日, 你可以話過得閒, 但又係咁走嚟走去囉! 8點幾起身梳洗, 老公嚟接我地去食早餐, 然後過小童等仲爺入去上文盲認字班, 咁婷婷都係嗰個時間上嘛, 就一齊計劃吓陣間個行程啦, 11點敏瑩又要游水, 12點笨元又要打鼓, 所以老公就做uber司機咁, 小童…四小…美孚…來來回回, 揍嚟揍去, 揍完哂佢就揍仲爺返嫲嫲到然後佢自己去踢波, 我同子元就同程家飲茶, 然後返阿媽到hea, 因為子元5點先游水, 要加操呀, 咁佢咪砌吓模型我睇吓電視打吓機囉, 夠鐘就出去, 我今日都游埋一份, 真係好攰, 我只係游咗7個來回, 即係700米啫, 但每游50都要抖一輪先再游, 其實真係好冇用呢! 6點要上水, 佢地泳會可以繼續游, 咁我去沖個涼買支嘢飲就去室內運動場坐到7點先去泳池接佢, 老公來車我地去食飯, 最終都係返長沙灣食, 食咗好豐富的雞煲+打邊爐, 游嗰7個堂白費哂! 食完返去阿媽都未返, 叫子元快D沖涼睇荒失失企鵝, 睇完佢都瞓啦, 我就等衫洗完晾埋先瞓!