2/7/17

2/7/17   SUN   HOT RAIN

今日完全係苦力的一天! 朝早7點多就要起身, 因為仲爺要學嘢, 我地又要執嘢, 所以先要食咗早餐, 返去執一陣嘢, 9:30前送仲爺去小童, 去到先發現我一路記錯咗時間, 原來仲爺係上10:35-12:40, 咁今日早咗嚟佢都比我呢堂照咁樣上囉, 放低佢我就馬上返去執嘢, 因為約咗10點GOGOVAN架嘛, 但搬得嚟都10:45先出到車呀, 我真係一路pack一路搬一路流汗, 只係一個衣櫃, 梳妝櫃, 魚缸櫃, 小童床, 鞋櫃, 但已經搬到我死, 呢D真係辛苦錢! 最慘係過到去商會時, 要抬幾級樓梯, 真係抬死我, 最慘上到去仲要寫埋D嘢先走得, 再車個鞋櫃去深哥到, 幫佢搬埋上樓先返美孚, 程家幫我地揍住咗仲爺先, 送埋佢地返屋企, 我地就去KFC食午飯, 然後送仲爺去嫲嫲到, 返去作最後努力, pack日用品, 電器, 最終pack好咗一批放長沙灣, 一批放青衣, 大型家電放屋中間pack好哂, 咁D嘢放哂出走廊, 都要人看住架嘛, 唯有比部NDS佢, 留咗佢喺走廊做看更, 我地攞好嘢去阿媽到再返去接佢, 咁搬法都要大半個鐘先回到程, 再搬埋D嘢落樓入青衣, 就去大窩口食泰國嘢, 大包已經去咗攞位, 叫好一枱嘢即刻食得! 仲爺知道玩具鋪收咗就喺到喊, 叫嫲嫲唔准理佢, 一陣咪收聲囉! 食完咪回家囉, 先車咗嫲嫲返去先, 仲爺都覺得有D奇怪點解佢要跟嫲嫲返上去! 老公車我地返去還咗板車後就送我地返長沙灣, 佢就返青衣啦! 返到去叫子元沖涼先, 佢話仲有功課未做, 咁佢有佢沖涼做嘢, 我就要執好哂房D嘢, 放衫入衣櫃等等, 都11點幾先沖涼, 睇咗陣妙手, 12點多都瞓啦, 咁有床褥打地鋪都OK GE, 係子元瞓瞓吓會轉過嚟迫鬼住我囉!